ایمز ٹی وی( صحت) ترک خاتون اول نےہلال احمر کو بیس الیکٹرک وہیل چئیرز اور دس انکیوبیٹرز کا عطیہ دیا۔ امینہ اردوان نےکہاکہ ترکی میں ناکام بغاوت کے دوران پاکستان کی حمایت کے شکر گزار ہیں۔
ترک خاتون اول نے ہلال احمر کی تقریب میں شرکت کی ۔تقریب کا آغاز مفتی عبدالقوی کی تلاوت سے ہوا۔ترک صدر کی اہلیہ کی جانب سے نوزائیدہ بچوں کی اموات پر قابو پانے کے لیے 10انکوبیٹرز اور معذورافراد کے لیے 20وہیل چئیرز کا عطیہ کیا گیا۔تقریب سے خطاب کرتے ہوئے امینہ اردوان کا کہنا تھا کہ ترکی میں جمہوریت کی حمایت پر پاکستان کا شکریہ ادا کرتے ہیں۔
امینہ اردوان نے گولن نیٹ ورک کے زیراہتمام پاکستان میں چلنے والے پاک ترک اسکولوں کا نام لیے بغیراس سسٹم کو تنقید کا نشانہ بنایا۔ان کا کہنا تھا کہ یہ اچھائی کے روپ میں دہشتگرد ہیں۔
ارمینہ اردوان کا کہنا تھا کہ صحت اور لڑکیوں کی تعلیم کے شعبے میں پاکستان سے خصوصی تعاون کریں گے۔