ایمز ٹی وی (فارن ڈیسک) : ٹھیک ہی کہتے ہیں کہ دوستی کا جذبہ رنگ اور نسل سمیت ہر قسم کے امتیاز سے پاک ہوتا ہے،یقین نہ آئے تو اس نوجوان کوہی دیکھ لیجئے جس نے خونخوار شیرنی کو اپنا بہتر ین دوست بنا لیا ہے۔افریقہ کے جنگلات میں موجوداس بہادر نوجوان نے ماں کی محبت سے محروم ننھی شیرنی کی دیکھ بھال کی ذمہ داری خود سنبھالی اور آج تک اس ذمہ داری کو انتہائی دلیری اور خوش اسلوبی سے نبھا رہا ہے ۔اس نوجوان کی اپنی پالتو شیرنی سے محبت کی انوکھی مثال شاید ہی کہیں ملے جو نہ صرف آپس میں گھنٹوں کھیلتے ہیں بلکہ یہ شیرنی اپنے مالک کوبغیر نقصان پہنچائے گلے لگا کر پیار بھی کرتی ہے۔اپنے مالک کے ساتھ ملکر شکار پر نکلتی یہ شیرنی نہ صرف اپنے خوب لاڈ اٹھواتی ہے بلکہ پانی میں تیراکی بھی کرتی ہے۔کیوں ہو گئے نا حیران!
کراچی(ایمز ٹی وی)کراچی سمیت سندھ بھر میں آج صبح آٹھ بجے تمام سی این جی اسٹیشنز کو گیس کی فراہمی معطل کردی گئ ۔سوئی سدرن کمپنی کا کہنا ہے کہ سندھ بھر میں24 گھنٹوں کے بعد سی این جی بحال کی جائے گی۔
ایمز ٹی وی (کوئٹہ): بلوچستان حکومت نے 21ویں آئینی ترمیم کے تحت قائم ہونے والی فوجی عدالتوں میں سماعت کیلئے دہشت گردی کے 54 مقدمے منتخب کیے ہیں۔
یہ مقدمے سیکورٹی حکام کے ایک اعلی سطحی اجلاس میں منتخب کیے گئے۔
صوبائی سیکریٹری داخلہ اکبر حسین درانی نے میڈیا کو بتایا کہ ان 54 مقدموں میں سے 19 کالعدم تحریک طالبان افغانستان، 18 لشکر جھنگوی اور 17سپاہ محمد سے متعلق ہیں۔
دہشت گردی کے خلاف قومی ایکشن پروگرام پر عمل درآمد کی ذمہ دار صوبائی کمیٹی ان مقدموں کوحتمی فیصلہ کیلئے وفاقی حکومت کو بھجوائے گی۔
بلوچستان کے آئی جی محمد املیش خان نے بتایا کہ ان 54 مقدموں کے 168 ملزمان ہیں، جن میں سے 88 زیر حراست جبکہ باقی مفرور ہیں۔
انہوں نے مزید بتایا کہ مجرم قرار پانے والے 14 شدت پسندوں کی رحم کی اپیلیں وفاقی حکومت کے سامنے پڑی ہیں اور صوبائی حکومت نے اسلام آباد سے انہیں مسترد کرنے کی اپیل کر رکھی ہے۔
ایمز ٹی وی (فارن ڈیسک) :امریکی ریاست کیلی فورنیا کی ایک کاؤنٹی میں ساحل کنارے کھڑی کشتیوں میں آگ لگنے سے درجن بھر سے زائد کشتیاں تباہ ہوگئیں۔اسکرامینٹو کاؤنٹی کے علاقے وال نٹ گروو میں رات گئے ساحل کنارے کھڑی کشتی میں آگ لگ گئی جو پھیلتی ہوتی دوسری کشتیوں تک پہنچ گئی۔ امدادی ٹیموں نے جب آگ کو مزید پھیلنے سے روکنے کی کوشش کی تو ایک کشتی ڈولتی ہوئی آگ نکل گئی اور ڈاک سے جاٹکرائی۔اس دوران 14 کشتیاں آگ لگنے سے تباہ ہوئیں۔امدادی ٹیموں کو آگ بجھانے میں کئی گھنٹے لگے۔واقعے میں کوئی جانی نقصان نہیں ہوا۔
ایمز ٹی وی (کراچی) : شہر میں موٹر سائیکل کی ڈبل سواری پر 3 روز کے لئے پابندی عائد کر دی گئی ہے۔سیکریٹری داخلہ سندھ رحیم سومرو کی جانب سے جاری نوٹیفیکیشن کے مطابق آج سے لیکر 29 جنوری کی رات 12 بجے تک ڈبل سواری پر پابندی رہے گی ۔ ڈبل سواری پر پابندی کراچی کے حساس ترین 11 یونین کونسلز میں پولیو مہم کے سبب لگائی گئی ہے ۔ گڈاپ، سائٹ اور بلدیہ ٹائون میں آج سے پولیو مہم کا آغاز ہو رہا ہے ۔ ان علاقوں میں پولیس اور رینجرز کی سر پر ستی میں انسداد پولیو مہم شروع ہوگی
ایمز ٹی وی (کراچی): ٹیلی ویژن اور فلم کے سینئر اداکار ساجد حسن نے میڈیا سے گفتگو کرتے ہوئے کہا ہے کہ پاکستانی فلموں کی کامیابی کی بنیادی وجہ ایک اچھا اسکرپٹ ہے ۔ ان کا کہنا تھا کہ فرسودہ کہانیوں کا دور اب ختم ہوچکا ہے اس وقت موضوعات کی کمی نہیں، بے شمار کہانیاں ایسی ہیں جو اس معاشرے میں موجود ہیں اور آئے دن ہونے والے واقعات ہماری فلموں کی کہانی کا حصہ بن سکتے ہیں۔ ٹیلی ویژن ڈراموں میں اسی حکمت عملی کو اپنایا گیا جس کی وجہ سے ٹیلی ویژن ڈرامہ آج بے حد مقبول ہے۔ اچھی فلمیں بنیں گی تو سنیما اور فلم انڈسٹری دونوں ترقی کریں گے۔ اس کا تجربہ ہمارے سامنے ہے کہ وہی فلم کامیاب ہوئی جو عمدہ پروڈکشن اور بہترین موضوع پر بنائی گئیں۔ کراچی میں تھیٹر کی بہتری اور اسے عوام میں مقبول بنانے کے لیے جو بھی کوششیں ہورہی ہیں اس میں مزید بہتری کی ضرورت ہے کیونکہ لوگ اچھا اور معیاری تھیٹر دیکھنا چاہتے ہیں جو کم ہورہا ہے، کمرشل تھیٹر سے زیادہ موضوعاتی ڈرامے پسند کیے جارہے ہیں۔
ایمز ٹی وی (سرگودھا): پاک چین دفاعی تعاون سے تیار جدید ترین ٹیکنالوجی کے شاہکار لڑاکا طیاروں جے ایف 17 تھنڈر کی پاک فضائیہ کے مقتدر ادارے کمبیٹ کمانڈرز اسکول میں باقاعدہ طور پر شامل کر دیئے گئے۔
گزشتہ روز پی اے ایف بیس مصحف میں پروقار تقریب کا انعقاد کیا گیا جس میں ایئر مارشل سہیل امان، ڈپٹی چیف آف دی ایئرا سٹاف مہمان خصوصی تھے۔ ان طیاروں کی آمد کے موقع پر شرکا نے گرم جوشی سے تالیاں بجا کر ان کو خوش آمدید کہا۔ جیسے ہی پائلٹس کاک پٹ سے باہر آئے ننھے بچوں نے انھیں پھولوں کے گلدستے پیش کیے۔
واضح رہے کہ جدید ٹیکنالوجی سے لیس جے ایف تھنڈر 17 طیارے پاکستان نے چین کے تعاون سے تیار کئے ہیں جنہیں پوری دنیا میں منفرد مقام حاصل ہے۔
ایمز ٹی وی (کراچی): لیاری کے علاقے بہار کالونی میں رینجرز اور پولیس سے مشترکہ مقابلے میں گینگ وار کا اہم کارندہ ہلاک ہو گیا۔ ترجمان رینجرز کے مطابق ملزم چار افراد کے قتل سمیت سنگین جرائم میں ملوث تھا۔
لیاری میں پولیس اور رینجرز کی گینگ وار ملزمان کے خلاف کارروائیاں جاری ہیں۔ رینجزر پولیس نے بہار کالونی میں مشترکہ کارروائی کرتے ہوئے مقابلے کے بعد گینگ وار بابا لاڈلہ گروپ کے کارندے کو ہلاک کر دیا۔ ترجمان رینجرز کے مطابق ملزم سیف اللہ پولیس اہلکار سمیت چار افراد اور بھتہ خوری کی متعدد وارداتوں میں ملوث تھا۔ ہلاک ملزم کے قبضے سے اسلحہ بھی برآمد ہوا ہے۔
ایمز ٹی وی (فارن ڈیسک) پاکستان نے سرکاری طور پر امریکی صدر باراک اوباما کے دورہٴ بھارت کو جنوبی ایشیا کے خطے میں استحکام کی سمت میں ایک اہم قدم قرار دیا ہے تاہم تجزیہ کاروں کا خیال ہے کہ اس دورے سے بھارت کو شہ مل سکتی ہے۔
امریکی صدر باراک اوباما کے دورہٴ بھارت پر تبصرہ کرتے ہوئے مشیر امور خارجہ سرتاج عزیز نے کہا کہ یہ دورہ خطے میں کشیدگی کم کرنے میں مدد گار ثابت ہو گا۔ انہوں نے کہا کہ ’جنوبی ایشیا میں کشیدگی کم کرنے کے لیے اوباما صاحب اپنا کردار اداکریں گے‘۔
اسلام آباد میں ایک تقریب میں شرکت کے بعد ذرائع ابلاغ سے گفتگو کرتے ہوئے انہوں نے کہا کہ خطے میں امن پاکستان اور بھارت دونوں کے مفاد میں ہے کیونکہ اس سے دونوں ممالک کی اقتصادی صورتحال بہتر ہو گی۔
ایک سوال کے جواب میں انہوں کہا کہ امریکی وزیر خارجہ کے دورہٴ پاکستان کے موقع پر انہیں ہندوستان سے متعلق اسلام آباد کے تحفظات سے آگا ہ کر دیا گیا تھا:’’سیکرٹری کیری یہاں آئے تھے تو ہم نے انہیں اپنے جو خدشات تھے ہندوستان کی جارحیت سے متعلق، وہ پہنچا دیے تھے۔‘‘
تاہم دفاعی امور کے تجزیہ کار لفٹیننٹ جنرل (ر) طلعت مسعود کا کہنا ہے کہ امریکہ اور بھارت کے درمیان سول جوہری معاہدےپر ہونے والی پیش رفت یقیناً پاکستان کے لیے تشویش کی بات ہے۔اس پیشرفت کے تحت اب امریکی کمپنیاں بھارت کو غیر فوجی جوہری ٹیکنالوجی فراہم کر سکیں گی۔
انہوں نے کہا کہ ’امریکہ اور بھارت کے درمیان ایک مضبوط پارٹنر شپ سامنے آئی ہے تواس کا ایک پہلو یہ بھی ہو سکتا ہے کہ بھارت خصوصاً مودی حکومت نے جو جارحانہ رویہ پاکستان کے بارے اپنا رکھا ہے، اس میں اضافہ ہو کیونکہ بھارت کو اوبامہ کے دورے سے ایک شہ ملے گی‘۔
طلعت مسعود کا کہنا تھا کہ پاکستان نے بھی اس صورتحال کا ادراک کرتے ہوئے اپنے اقدامات کیے ہیں اور آرمی چیف جنرل راحیل شریف کا دورہٴ چین اسی سلسلے کی ایک کڑی ہے۔
ادھر پاکستان کے دورے پر آئے ہوئے بھارت کے زیر انتظام کشمیر کے علیحدگی پسند دھڑے حریت کانفرنس کے رہنما آغا حسن بڈگامی نے امید ظاہر کی کہ امریکی صدر باراک اوباما مسئلہٴ کشمیر کے حل میں اپنا کردار ادا کریں گے۔ پیر کے روز اسلام آباد میں صحافیوں سے گفتگو کرتے ہوئے انہوں نے کہا کہ ’اوباما صاحب بھارت کو کہیں کہ وہ سب سے بڑی جمہوریت ہونے کا دعویٰ کرتی ہے تو کشمیریوں کو ان کا حق خود ارادیت کیوں نہیں دیتی‘۔
ایمز ٹی وی (فارن ڈیسک)سوشل میڈیا کی ویب سائٹ ٹوئٹرپرہرمنٹ میں ٹوئیٹس کا انبار لگ جاتا ہے اورٹوئیٹر صارفین کیلئے آف لائن ہونے کے بعد اپ ڈیٹس کا جائزہ لینا لگ بھگ ناممکن ہی ہوتا ہے لیکن ٹوئیٹر نے اس صارفین کی اس مشکل کا حل نکال لیا ہے۔
سوشل میڈیا کی ویب سائٹ ٹوئیٹر نے صارفین کے لیے نیا فیچر ری کیپ متعارف کرادیا ہے۔
وئیٹر کے نئے فیچر ری کیپ کے زریعے صارفین آف لائن گھنٹوں کے دوران کی اپڈیٹس کا جائزہ لے سکیں گے، اس فیچر کے زریعے مخصوص تعداد میں ٹوئیٹس ہائی لائٹ ہوجائیں گی، جو صارفین اپنے آف لائن اوقات میں دیکھنے سے محروم رہ گئے ہوں گے۔
ٹوئیٹر انتظامیہ کے مطابق اس فیچر کے زریعے صارفین تیزی سے ہونے والی اپڈیٹس کو دیکھ سکیں گے اور اس سے سائٹ کی رئیل ٹائم نیچر بھی متاثر نہیں ہوں گی۔