اسلام آباد: وفاقی وزارت تعلیم و پیشہ ورانہ تربیت یونیسکو، ایڈ ٹیک ہب اور ادارہ تعلیم و آگاہی کے تعاون سے گلوبل ایجو کیشن مانیٹرنگ رپورٹ 2024 کا اجرا کر دیا گیا۔
تقریب کی صدارت نگران وفاقی وزیر تعلیم مدد علی سندھی نے کی۔ انہوں نے خطاب کرتے ہوئے کہا کہ اس سال جی ای ایم رپورٹ کا موضوع انتہائی مناسب ہے۔
تعلیم کی فراہمی میں ٹیکنالوجی کے کردار کا جائزہ لینا بہت ضروری ہے ۔ ہماری اولین ترجیح اسکول سے باہر بچوں کی شرح کو کم کرنا ہے، اس تعداد کو کم کرنے میں ٹیکنالوجی کا کردار بھی اہم ہے ، طلبا کو محفوظ اور سازگار ماحول فراہم کرنے کے لیے وفاق کے اسکولوں میں بنیادی ضروریات کی دستیابی یقینی بنانا ہو گی۔
اسلام آباد: علامہ اقبال اوپن یونیورسٹی کا جلسہ تقسیم اسناد 31جنوری، 2024ء کو اسلام آباد کے جناح کنونشن سینٹرمیں منعقدہوگا۔
گذشتہ روز وائس چانسلر، پروفیسر ڈاکٹر ناصر محمود کے زیر صدارت تیاریوں کا جائزہ اجلاس منعقد ہوا،یونیورسٹی کے ڈینز، پروفیسر اور پرنسپل افسران شریک تھے۔ وائس چانسلر، پروفیسر ڈاکٹر ناصر محمود نے آزاد کشمیر ریجنز کے طلبہ کی خواہش پر انہیں اسلام آباد کے کانووکیشن میں شامل کرنے کا فیصلہ کردیا ہے۔
یاد رہے قبل ازیں یونیورسٹی نے مقامی سطح پر طلبہ کو سہولت فراہم کرنے کے لئے آزاد کشمیر کے طلبہ کے لئے مظفر آباد میں 30جون، 2024ئ کو کانووکیشن منعقد کرانے کا شیڈول جاری کیا تھا۔اس فیصلے کی روشنی میں اب اسلام آباد، گلگت بلتستان، آزاد کشمیر اور راولپنڈی ڈویڑن(اٹک، چکلالہ، جہلم اور راولپنڈی)کے طلبہ اسلام آباد کے جناح کنوینشن سینٹر میں 31جنوری کے جلسہ تقسیم اسناد میں شرکت کریں گے۔
وائس چانسلر، پروفیسر ڈاکٹر ناصر محمودنے واضح کیا ہے کہ آزاد کشمیرکے طلبہ کو اسلام آباد کے کانووکیشن میں شامل کرنے سے ان کی حوصلہ افزائی ہوگی کیونکہ ان کی خواہش تھی کہ انہیں بھی صد رپاکستان کے ہاتھوں سے ڈگری ملنے کا اعزاز حاصل
کیلیفورنیا: ٹیکنالوجی کمپنی گوگل کی جانب سے جاری کی جانے والی نئی پرائیویسی پالیسی کے مطابق کمپنی اب مصنوعی ذہانت کی اشیاء بنانے اور ان کی تربیت میں مدد کے لیے عوامی ڈیٹا کا استعمال کر سکتی ہے۔
کمپنی کی پیش کردہ نئی پالیسی میں بتایا گیا ہے کہ گوگل صارفین کے زیر استعمال سروسز کو بہتر کرنے اور نئی اشیاء، فیچرز اور ٹیکنالوجی بنانے کے لیے استعمال کرتا ہے۔ مثال کے طور پر کمپنی عوامی سطح پر دستیاب معلومات کو اپنے مصنوعی ذہانت کے ماڈل کی تربیت کے لیے استعمال کرتی ہے اور گوگل ٹرانسلیٹ، بارڈ، کلاؤڈ اے آئی جیسی اشیاء اور فیچرز بناتی ہے۔
ماضی کی نافذالعمل پالیسی کے مطابق گوگل دستیاب عوامی معلومات کو صرف گوگل کے ’لینگوئج ماڈلز‘ کو تربیت دینے میں مدد کے لیے استعمال کر سکتا تھا اور اس مد میں صرف گوگل ٹرانسلیٹ کا ذکر کیا گیا تھا۔
پالیسی میں کی جانے والی یہ اپ ڈیٹ صارف تجربے یا براہ راست گوگل کی اشیاء پر اثر انداز نہیں ہوگی۔
زبان کے حوالے سے کی جانے والی تبدیلیاں اس بات کا اشارہ ہیں کہ کمپنی کا رجحان اس کے مصنوعی ذہانت کے شعبے پر بڑھتا جا رہا ہے اور عوام کے ’سرچ‘ کرنے کے عمل کا رجحان اس کی مسلسل ارتقاء کی ایک بڑھی وجہ ہوسکتا ہے۔
کراچی: چیئرمین آل سندھ پرائیویٹ اسکولز اینڈ کالجز ایسوسی ایشن حیدرعلی نے کمرہ امتحان میں میڈیاکوریج کی مخالفت کردی۔
اس حوالے سے چیئر مین آل سندھ پرائیویٹ اسکولز اینڈ کالجز ایسوسی ایشن کا کہنا ہے کہ بورڈز امتحانات میں ویجیلینس اور میڈیا کوریج کے نام پر بچوں اور بچیوں کی تشہیر اور افسران کی پبلسٹی امتحان کے بنیادی اصولوں کے خلاف ہے۔امتحانات کوئی تماشا نہیں ہے اور نہ ہی کوئی خوفناک عمل ہے کہ اس کی بے پناہ تشہیر کی جائےامتحانی کمروں میں چھ چھ کیمروں سمیت آٹھ آٹھ افراد کا موجود رہنا بچوں بچیوں کے لئے ذہنی کوفت اور دباؤ کا سبب ہوتا ہے۔ امتحان دیتے ہوئے طلبہ و طالبات کی وڈیوز بنانا اور نشر کرنا بنیادی حقوق کی خلاف ورزی ہے۔
کیا کیمبرج امتحانات میں امتحانی کمروں اور مراکز کی میڈیا کوریج کی جا سکتی ہے؟ کیا کیمبرج امتحانات میں امتحانی کمروں اور مراکز کی میڈیا کوریج کی جاسکتی ہے؟
انہوں نے مزید کہا کہ چیئرمین بورڈ اور کنٹرولر ایگزامینیشنز کو انویجیلیٹر کا کام کرنے کے بجائے کالج پرنسپل کی صلاحیتوں پر اعتماد کرنے کی ضرورت ہے۔ امتحانی کمروں میں کیمرے لے جانے کی اجازت نہیں دی جائے ۔ خبر کی اجازت دی جا سکتی ہے لیکن ڈراماٹائزیشن کی نہیں۔ امتحانی عمل کو نقل اور چیٹنگ کے مفروضے سے جوڑ کر پیش کرنا پڑھنے والے لاکھوں بچوں کی توہین ہے اور سرکاری نظام امتحان کی تذلیل ہے۔
کرپٹ، بدعنوان اور نااہل لوگوں کی سزا طلبہ کو دینے کی روایت کو ختم ہونا چاہیے فرسودہ ویجیلینس سسٹم اور امتحان دینے والوں کو خوفزدہ کرنے کا موجودہ نظام ختم کیا جائےامتحان دینے والوں کو بنیادی سہولیات، پرسکون اور باوقار ماحول فراہم کرنے کی ضرورت ہے
قومی کرکٹ ٹیم کے کپتان بابراعظم اور وکٹ کیپر بلےباز محمد رضوان ان دنوں تعلیم حاصل کرنے کیلئے امریکا میں مقیم ہیں۔
سماجی رابطے کی سائٹ ٹوئٹر پر کپتان بابراعظم نے مداحوں سے ایک تصویر شیئر کی جس میں وہ اور رضوان کے ہمراہ ہارورڈ بزنس اسکول میں داخلے کے بعد پڑھتے ہوئے دیکھائی دے رہے ہیں۔
تصویر میں بابراعظم صوفے پر لیٹے ہوئے پڑھائی کررہے ہیں جبکہ رضوان زمین پر بیٹھ کر نوٹس کا مطالعہ کرتے ہوئے مختلف پیپرز کا جائزہ لے رہے ہیں۔
بابراعظم کی جانب سے شیئر کی گئی تصویر میں کیپشن لکھا گیا ہے کہ ’’ یہ کیا ہورہا ہے‘‘ ؟۔
گزشتہ دنوں بابراعظم اور محمد رضوان نے ہارورڈ بزنس اسکول کے پروگرام کا حصہ بنے تھے، وہ یہ اعزاز پانے والے پہلے پاکستانی کرکٹرز ہیں۔
دونوں کرکٹرز 31 مئی سے 3 جون تک امریکی ریاست بوسٹن میں ہارورڈ بزنس اسکول کیمپس کی کلاسز میں شرکت کریں گے جہاں وہ انٹرٹینمنٹ، میڈیا اور اسپورٹس تعلیم حاصل کریں گے۔
کراچی: سندھ کے 3 ڈویژنز میں گیارہویں اوربارہویں جماعت کے امتحانات 30 مئی سے شروع کرنے کا فیصلہ کیا گیا ہے۔
صوبائی وزیرتعلیم یونیورسٹی اینڈ بورڈ اسماعیل راہو نے سندھ کے 3 ڈویژنز میں گیارہویں اوربارہویں جماعت کے امتحانات 30 مئی سے شروع کرنے کا فیصلہ کیا ہے۔
انکاکہناہے کہ کراچی، حیدرآباد اور میرپورخاص میں امتحانات 30 مئی سے 2 شفٹوں میں لیےجائیں گے جس میں 4لاکھ 89 ہزارطالب علم امتحانات میں حصہ لیں گےجبکہ تمام ڈویژنز میں 390 ویجیلنسی ٹیمیں تشکیل، 700 امتحانی مراکز قائم کئےگئے ہیں۔کراچی سمیت سندھ بھر میں 4 لاکھ 89 ہزار طالبعلم گیارہویں اور بارہویں کے امتحانات میں حصہ لیں گے۔
تمام ڈویژنوں میں 390 ویجیلنسی ٹیمیں تشکیل، 700 امتحانی مراکز قائم کئےگئے ہیں، صوبائی وزیر کراچی میں گیارہوں اور بارہویں کے16امتحانی مراکزحساس ہیں،فیمیل طلبہ کے امتحانی مراکز کے دوروں کے لئے وومین ویجیلنسی ٹیمیں بھی بنائی گئی ہیں۔
صوبائی وزیر تعلیم اسماعیل راہونےکے الیکٹرک اور وفاق سے صوبے میں امتحاناتی مراکز کے وقت لوڈشیڈنگ نہ کرنےکامطالبہ کیاہے۔
لاہور: گورنمنٹ کالج یونیورسٹی (GCU) لاہور نے ملک کا پہلا شعبہ گلوبل سٹڈیز متعارف کروا کر اعلیٰ تعلیم میں نمایاں پیش رفت کی ہے۔
انسٹیٹیوٹ آف ہسٹری کے اندر واقع یہ اہم شعبہ بی ایس، ایم فل اور پی ایچ ڈی کی سطحوں پر جامع ڈگری پروگرام پیش کرے گا۔انسٹیٹیوٹ آف ہسٹری کے اندر واقع یہ اہم شعبہ بی ایس، ایم فل اور پی ایچ ڈی کی سطحوں پر جامع ڈگری پروگرام پیش کرے گا۔
س پیش رفت کی روشنی میں، جی سی یو میں انسٹی ٹیوٹ آف ہسٹری کو انسٹی ٹیوٹ آف گلوبل اینڈ ہسٹاریکل اسٹڈیز کے نام سے دوبارہ برانڈ کیا جائے گا، جو اس کے وسیع وژن اور عالمی تناظر پر زور دینے کی عکاسی کرتا ہے۔
ڈیپارٹمنٹ آف گلوبل اسٹڈیز نے طلباء کو علم، ہنر اور عالمی نقطہ نظر سے آراستہ کرنے کے لیے ایک پرجوش مشن کا تعین کیا ہے جو ہماری تیزی سے ابھرتی ہوئی دنیا کی پیچیدگیوں کو تلاش کرنے کے لیے درکار ہے۔
اس کا بین الضابطہ نصاب عالمی سطح پر ثقافت، تاریخ، سیاست، معاشیات، ٹیکنالوجی اور ماحولیات کے پیچیدہ تعامل کا مطالعہ کرے گا۔ایک کثیر الضابطہ نقطہ نظر کو اپناتے ہوئے، شعبہ کا مقصد تنقیدی سوچ کو فروغ دینا، ثقافتی تفہیم کو فروغ دینا، اور اپنے طلباء میں مواصلت کی موثر مہارتوں کو فروغ دینا ہے۔
مزید برآں، شعبہ گلوبل اسٹڈیز معزز بین الاقوامی شراکت داروں اور اداروں کے ساتھ تحقیقی تعاون کو فروغ دینے کے لیے پرعزم ہے۔یہ اسٹریٹجک اتحاد محکمے کو عالمی چیلنجوں سے نمٹنے کے قابل بنائے گا اور اس شعبے میں علم کے بڑھتے ہوئے ادارے میں اپنا حصہ ڈالے گا۔
تحقیقی کوششوں میں فعال طور پر شامل ہو کر، GCU عالمی گفتگو میں بامعنی شراکت کرنے کی کوشش کرتا ہے اور دنیا کے مختلف خطوں کے درمیان موجود پیچیدہ تعلقات کی گہرائی سے تفہیم کو فروغ دیتا ہے۔جی سی یو میں شعبہ گلوبل اسٹڈیز کا قیام پاکستان کے تعلیمی منظر نامے میں ایک اہم سنگ میل ہے۔
یہ مستقبل کے رہنماؤں، اسکالرز، اور عالمی شہریوں کو تیار کرنے کے لیے یونیورسٹی کے عزم کی عکاسی کرتا ہے جو ہماری باہم جڑی ہوئی دنیا کے بارے میں جامع تفہیم رکھتے ہیں۔
اپنے متحرک نصاب، تحقیقی اقدامات، اور بین الاقوامی تعاون کے ذریعے، GCU کے شعبہ گلوبل اسٹڈیز کا مقصد طلباء کے ذہنوں کو تشکیل دینا، فکری تجسس کو فروغ دینا، اور ایک زیادہ روشن خیال اور باہم مربوط عالمی معاشرے میں حصہ ڈالنا ہے۔
پشاور: میٹرک کے امتحانات ختم ہونے پر طلبہ خوشی سے جھوم اٹھے جس کی ویڈیو وائرل ہوگئی۔
سوشل میڈیا پر ایک ویڈیو وائرل ہورہی ہے جس میں کچھ نوجوان خوشی سے رقص کررہے ہیں۔
زیرگردش وڈیو میں دیکھاجاسکتا ہےکہ طلبا امتحان ختم ہونے کی خوشی میں ڈھول کی تھاپ پر جھوم رہے ہیں۔
سماجی ویب سائٹس پر اس ویڈیو کو خوب پسند کیا جارہا ہے جب کہ نوجوانوں کی خوشی کی یہ ویڈیو خبروں کی بھی زینت بن گئی ہے۔
حکومت نے 25مئی کو“یوم تکریم شہداء پاکستان“منانےکا فیصلہ کیا ہے۔
25 مئی کو شہداءپاکستان کی بے لوث قربانیوں کو خراج تحسین پیش کرنے کیلئے دن منایا جائے گا۔ملک بھرمیں شہداء کے ایصال ثواب کے لیے قرآن خوانی اور دعائیں ہوں گی۔اس دن کو منانے کا مقصد شہداء کی لازوال قربانیوں کی یاد تازہ کرنا ہے۔قوم کو پیغام دینا ہے شہداء، اُنکی فیملیز اور یادگاروں کا احترام ہر پاکستانی کا فخر ہے۔
خیال رہے کہ 9 مئی کو شرپسندوں نے پاک فوج شہداء کے مجسمے توڑ کر بے حرمتی کی تھی اور جی ایچ کیو سمیت لاہور میں جناح ہاوس پر بھی مشتعل افراد نے دھوا بول دیا تھا۔
بنگلادیش کرکٹ بورڈ نے ہائبرڈ ماڈل کے تحت ایشیا کپ 2023 کے میچز دبئی میں کرانے کی مخالفت کر دی۔
بی سی بی ذرائع کے مطابق ہائبرڈ ماڈل پر کوئی اعتراض نہیں ہے لیکن یو اے ای کا وینیو قبول نہیں، وہاں گرمی بہت زیادہ ہے اس لیے کرکٹرز راضی نہیں ہیں۔
بنگلادیش بورڈ کا کہنا ہے کہ ایونٹ کے سری لنکا میں بھی ہونے پر کوئی اعتراض نہیں، پی سی بی سے اچھے تعلقات ہیں اور پاکستان جانے سے انکار نہیں ہے۔
بی سی بی کے مطابق ایشیاکپ ایک ہی وینیو پر ہو تو یہ زیادہ مناسب بات ہے، پاکستان میزبان ہے، اے سی سی اور پاکستان نے مل کر فیصلہ کرنا ہے۔
ذرائع کا کہنا ہے کہ کچھ لو اور کچھ دو کی بنیاد پر ایونٹ پاکستان کی میزبانی میں نیوٹرل وینیو پر کرانے پر بات ہو گی، اے سی سی کے اہم اجلاس میں تمام تر معاملات پر بات ہوگی۔
بھارت چیمپئنز ٹرافی کے لیے پاکستان آنے کی تحریری حامی بھر سکتا ہے، بھارت کے حامی بھرنے کی صورت میں پاکستان ورلڈ کپ کھیلنے بھارت جاسکتا ہے۔