ایمزٹی وی(ٹیکنالوجی)آپ نے خلا بازوں کو خلائی مشن پھر جاتے ہوئے مخصوص لباس میں دیکھا ہو گا جو کہ کبھی سفید یا پھر اورنج رنگ کا ہوتا لیکن اس کے بارے آپ میں سے چند لوگوں کو ہی پتہ ہو گا کہ اس کے پیچھے راز کیا ہے۔ آپ نے ٹی وی اور انٹر نیٹ پر جاری ہونیوالی تصویروں میں اکثر دیکھا ہو گا خلائی مشن کی روانگی کے دوران خلا بازوں نے اورنج رنگ کا لباس زیب تن کیا ہوتا ہے جبکہ خلا پر پہنچنے پر ناسا کی جانب سے چاند یا پھر کسی اور سیارے سے خلا بازوں کی جب تصاویر یا ویڈیوز جاری کی جاتی ہیں تو ہمیشہ خلا بازوں نے سفید رنگ کا مخصوص لباس زیب تن کیا ہوتا ہے۔ ان دونوں مخلتف رنگ کے لباسوں میں کیا فرق ہوتا ہے اس حوالے سے ہم آپ کو بتاتے ہیں۔
اورنج رنگ کے سوٹ کو (ایڈوانس کریو ایسکیپ سوٹ) جبکہ سفید رنگ والے لباس کو (ایکسڑا وہیکولر سوٹ) کہا جاتا ہے جبکہ دونوں لباسوں میں خاص فرق یہ ہے کہ اورنج سوٹ کا لباس خلا باز خلائی جہاز کی روانگی کے وقت اس لئے زیب تن کرتےہیں کہ کہیں راستے میں کوئی حادثہ پیش آ جائے تو اورنج رنگ زیادہ واضح طور پر دکھائی دینے کے ساتھ ساتھ اس سوٹ میں پیرا شوٹ ، لائف بوٹ اور چاقو موجود ہوتا ہے جو کسی ممکنہ بڑے حادثے سے بچاؤ کیلئے معاون ثابت ہوتا ہے ۔
دوسری جانب سفید قسم کے سوٹ(ایکسڑا وہیکولر سوٹ) کو خلا میں چلنے کیلئے استعمال کیا جاتا ہے کیوں کے سفید رنگ سورج کی تپش سے بچانے کے ساتھ ساتھ خلا میں کم روشنی کے باوجود واضح طور پر نظر آتا ہے۔ اس کے علاوہ اس سوٹ میں جسم کو ٹھنڈا کرنے کا نظام بھی ہوتا ہے جو خلا باز کو سخت موسم میں ٹھنڈک پہنچاتا ہے۔
ایمزٹی وی (انٹرنیشنل) اٹلی کے جنوبی علاقے میں دو مسافر ٹرینوں میں ٹکر کے نتیجے میں کم از کم 23 افراد جاں بحق اور درجنوں زخمی ہو گئے،حادثہ کوراٹو اور اینڈریا کے علاقوں کے درمیان پیش آیا. تفصیلات کے مطابق اٹلی کےجنوبی علاقے میں ایک ہی پٹری پرسفر کرتی دو ٹرینیں ٹکراگئیں،حادثے میں تیئس افراد کی ہلاکت کی تصدیق ہوگئی ہے جبکہ درجنوں زخمیوں کواسپتال پہنچایاگیاہے. مقامی صوبے کے نائب سربراہ گیوسیپ کوراڈو نے ہلاکتوں کی تصدیق کرتے ہوئے بتایا کہ بدقسمتی سے ہلاکتوں کی تعداد23 تک پہنچ چکی ہے. حادثے کے بعد چند بوگیوں میں آگ لگ گئی جس کے سبب ہلاکتوں میں اضافہ ہوا جبکہ حادثہ دیہی علاقے میں پیش آنے کی وجہ سے امدادی کاموں میں مشکلات پیش آئیں. فائر بریگیڈ کے ترجمان نے بتایا کہ دیہی علاقے کے بالکل وسط میں حادثہ پیش آنے کے سبب امدادی کاموں اور لوگوں کو بچانے میں مشکلات پیش آئیں. وزارت ٹرانسپورٹ نے واقعے کی تحقیقات کےلیے دو افراد کو جائے وقوع کی جانب روانہ کردیا تاہم ابھی تک اس بات کا علم نہیں ہو سکا کہ ٹرینوں میں کتنے افراد سوار تھے اور آخر دونوں ٹرینیں ایک ہی لائن میں ایک دوسرے کی جانب کیوں جارہی تھیں. وزیر اعظم میٹیو رینزی نے کہا کہ جب تک ہمیں حادثے کی وجوہات کا علم نہیں ہو جاتا اس وقت تک تحقیقات جاری رہیں گی. یاد رہے کہ اٹلی میں اس سے قبل ٹرین کا بڑا حادثہ 2009 میں ہوا،حادثے کے نتیجے میں آگ لگنے کے سبب 30 سے زائد افراد جان کی بازی ہار گئی تھی.
ایمزٹی وی(انٹرنیشنل) اورلینڈو میں فائرنگ کے واقعے پر عالمی رہنماؤں نے شدید مذمت کرتے ہوئے متاثرین سے اظہار ہمدردی کیا ہے۔ جبکہ کیلفورنیا اور واشنگٹن میں واقعے کیخلاف احتجاج بھی کیا گیا اورلینڈو میں فائرنگ کے واقعے کی دنیا بھر سے مذمت کا سلسلہ جاری ہے، اس حوالے سے امریکی صدارتی امیدوار ہیلری کلنٹن نےسوشل میڈیا پر شدید دکھ کا اظہار کرتے ہوئے متاثرین سے ہمدردی کا اظہار کیا ہے۔ ہیلری کلنٹن نے کہا کہ مسلمانوں کے خلاف اشتعال انگیز بیانات اور پابندی مسئلے کا حل نہیں، مسلمانوں کی اکثریت دہشت گردی کے خلاف بات کرتی ہے آسٹریلیا کے وزیراعظم میلکم ٹرن بل نے واقعہ کی شدید الفاظ میں مذمت کی ۔ ان کا کہنا تھا کہ دہشت گردی کے خلاف ہم سب متحد ہیں۔ وزیراعظم نوازشریف اورامریکا میں پاکستان کے سفیر جلیل عباس جیلانی نےاورلینڈو فائرنگ کے واقعہ کی سخت مذمت کی۔ فرانس ،اٹلی ،برطانیہ ,آئرلینڈ سمیت دیگرکئی ممالک کے سربراہان مملکت نے واقعہ کی پرزور الفاظ میں مذمت کرتے ہوئے کہا کہ اس مشکل گھڑی میں امریکی عوام کے ساتھ ہیں۔ واقعہ کے خلاف کیلفورنیا میں شہریوں نے پرامن احتجاج کیا۔ مظاہرین نے پلے کارڈز اٹھا رکھے تھے۔ مظاہرین کا مطالبہ تھا کہ امریکہ میں بڑھتے ہوئے فائرنگ کے واقعات کو روکا جائے اوراسلحہ کے عام استعمال پرپابندی لگائی جائے۔ امریکہ میں وائٹ ہاؤس کے باہر سماجی تنظیموں کی جانب سے اورلینڈو فائرنگ کے واقعہ میں مرنے والوں کی یاد میں شمعیں روشن کی گئیں۔
ایمزٹی وی (انٹرنیشنل) بھارتی ریاست ہریانہ میں کنویں کی صفائی کرنے والے 5 مزدور زہریلی گیس کے باعث ہلاک ہوگئے تفصیلات کے مطابق واقعہ ہریانہ کے ضلع جند میں پیش آیا۔ پولیس کے مطابق کنواں 5 یا 6 سال سے استعمال میں نہیں تھا اسی وجہ سے اس میں زہریلی گیس جمع ہوگئی تھی جس نے مزدوروں کی جان لی گاؤں والوں کا کہنا ہے کہ حکام گاؤں میں پانی کی کمی کے حوالے سے کوئی اقدامات نہیں کر رہے اور ان کے مرد کنوؤں سے پانی حاصل کرنے پر مجبور ہیں بھارت میں پچھلے 2 مون سون کے موسم میں کم بارشیں ہوئی ہیں جس کے باعث بھارت کی کئی ریاستوں میں پانی کا بحران شدید ہوگیا ہے۔ تقریباً 330 ملین لوگ یعنی بھارت کی نصف آبادی پانی کی کمی کا سامنا کر رہی ہے گزشتہ ہفتے بھارتی سپریم کورٹ نے ہریانہ سمیت 3 ریاستوں پر بحران کے حل کے لیے مناسب اقدامات نہ کیے جانے پر سخت برہمی کا اظہار کیا تھا بھارتی وزیر اعظم نریندر مودی بھی متاثرہ ریاستوں کے وزرائے اعلیٰ سے مل کر بحران سے نمٹنے کی کوششوں میں مصروف ہیں۔
ایمزٹی وی (اسلام آباد)سپریم کورٹ نے شہر قائد کی تمام قومی شاہراؤں، فلائی اوورز اور گرین بیلٹ پر لگے سائن بورڈ کو 15 روز میں ہٹانے کا حکم دے دیا۔ ذرائع کے مطابق سپریم کورٹ کراچی رجسٹری میں جسٹس امیر ہانی مسلم کی سربراہی میں عدالت عظمیٰ کے 2 رکنی بینچ نے کراچی میں لگے غیرقانونی بل بورڈز اورسائن بورڈز کے خلاف کیس کی سماعت کی۔ دوران سماعت عدالت نے اپنے ریمارکس میں کہا کہ کراچی میں ہیوی بل بورڈز لگائے گئے ہیں اگر یہ کسی پر گر گئے تو بہت بڑا جانی نقصان ہوسکتا ہے،سائن بورڈ نہ ہٹائے گئے تو ذمے داروں کے خلاف توہین عدالت کی کارروائی کی جائے گی جب کہ سائن بورڈ کے معاملے پر بلدیہ عظمی کراچی کے جواب سے مطمئن نہیں ہیں۔ عدالت نے شہر کی تمام قومی شاہراؤں، فلائی اوورز، گرین بیلٹ پرلگے غیرقانونی سائن بورڈ کو 15 روز میں ہٹانے کا حکم دیتے ہوئے قرار دیا کہ کئی ایسے علاقے ہیں جہاں بل بورڈ اور سائن بورڈ لگانے کی ضرورت بھی نہیں تھی وہاں بل بورڈ لگادیئے گئے، گرین بیلٹ، فٹ پاتھوں اور شاہراؤں پرلگے 90 فیصد بل بورڈزغیرقانونی ہیں جنہیں 15 روز کے اندر ہٹایا جائے۔ واضح رہے کہ 11 مارچ کو عدالت نے تمام اسٹیک ہولڈرز کو 15 روز میں تمام بل بورڈز ہٹانے کا حکم دیتے ہوئے رپورٹ پیش کرنے کی ہدایت کی تھی جس کے باوجود شہر قائد سے غیرقانونی سائن بورڈز نہیں ہٹائے گئے۔
ایمزٹی وی(انٹرنیشنل)امریکہ کے شہر شگاگو میں پولیس نے سیاہ فام طالب علم اور خاتون کو گولی مار کر ہلاک کر دیا۔ ذرائع کے مطابق امریکہ میں پولیس کی طرف سے عام شہریوں کو نشانہ بنانے کے واقعات بڑھ رہے ہیں. شگاگو میں پیش آنے والے واقعے میں پولیس نے انیس سالہ طالب علم اورپانچ بچوں کی ماں کو گولیاں مار کر ہلاک کر دیا۔حکام کے مطابق واقعے کی تحقیقات کی جا رہی ہے ۔ دوسری طرف امریکی اخبار کے مطابق 2015 میں پولیس کی جانب سے کی گئی فائرنگ کے نتیجے میں ایک ہزار کے قریب شہری ہلاک ہوئے ہیں جن میں چار فیصد سیاہ فام ہیں ۔
ایمزٹی وی(لاہور)قصور کے علاقے الٰہ آباد میں ورکشاپ میں کام کرنے والے تین کمسن بچے زہریلا کھانا کھانے سے جاں بحق ہوگئے جبکہ ایک کی حالت تشویش ناک ہے۔تفصیلات کے مطابق قصور کے نواحی علاقہ الہ آباد میں ایک ورکشاپ میں کام کرنے والے چار بچوں نے قریبی ہوٹل سے کھانا خریدا تھااور کھا کرسو گئے۔ رات گئے ان کی حالت خراب ہوگئی جس کے باعث 10سالہ ابرار، 11سالہ صادق اور 15سالہ کاشف موقع پر جاں بحق جبکہ کاشف نامی بچے کی حالت تشویشناک تھی۔اس واقعہ کا علم صبح اس وقت ہوا جب فیکٹری کا مالک جاوید فیکٹری میں پہنچا تو تینوں بچے جاں بحق ہوچکے تھے جبکہ فیصل کو نازک حالت کے پیش نظر مقامی اسپتال منتقل کر دیا گیا ہے۔
ایمزٹی وی(لاہور)طالبان کے امیر ملا اختر منصور دم توڑ گئےتفصیلات کے مطابق افغانستان کی حکومت نے دعویٰ کیا ہے کہ طالبان امیر ملا اختر منصور ہلاک ہوچکے ہیں ، اس حوالے سے معلوم ہوا ہے کہ ملا اختر منصور دو روز قبل فائرنگ کے ایک واقعے میں شدید زخمی ہوگئے تھے ، انہیں طبی امداد کیلئے مقامی ہسپتال داخل کرایا گیا تھا لیکن وہ زخموں کی تاب نہ لاتے ہوئے دم توڑ گئے ۔
ایمز ٹی وی (ملتان) صوبے پنجاب کے شہر ملتان کے علاقے پیر کالونی نمبر تین میں چندمسلح ملزمان نے گھر میں گھس کر فائرنگ کی۔ اس فائرنگ کے نتیجے میں تین افراد ہلاک اور ایک خاتون زخمی ہو گئیں ۔پولیس کے مطابق فائرنگ کا واقعہ پرانی دشمنی کی وجہ سے پیش آیا۔
ایمز ٹی وی(انٹرنیشنل ڈیسک)روس نے شدت پسند تنظیم داعش کا دعویٰ مسترد کرتے ہوئے کہا ہے کہ ایسا کوئی ثبوت نہیں ملا کہ طیارے کو نشانہ بنایا گیا تھا۔ روسی حکام نے داعش کی جانب سے مسافر بردار طیارہ مار گرانے کی ذمہ داری قبول کرنے پر رد عمل دیتے ہوئے کہا ہے کہ طیارے کو نشانہ بنانے کا کوئی ثبوت نہیں ملا ہے صدر پیوٹن کی ہدایت پر ایک اعلیٰ سطحی تحقیقاتی کمیشن حادثے کی تحقیقات کے لیے مصر پہنچ رہے ہیں ۔ دوسری طرف مصری حکام کا کہنا ہے کہ تباہ ہونے تک طیارے میں کسی خرابی کا علم تھا اور نہ ہی ہمیں کسی ہنگامی مدد کی کال ملی تھی، ایک روز پہلے مصری شہر شرم الشیخ سے روس کے شہر سینٹ پیٹرز برگ جانے والا مسافر بردار طیارہ جزیرہ نما سینا میں گر تباہ ہو گیا تھا جس میں عملے سمیت دو سو چوبیس افراد ہلاک ہوئے تھے.