ایمز ٹی وی (ملتان) ملتان میں تحریک انصاف کے جلسےکی تمام تیاریاں مکمل کر لی گئی ہیں، جلسہ گاہ میں چالیس فٹ اونچا اور اسی فٹ چوڑا سٹیج بنایا گیا ۔ تفصیلات کے مطابق قلعہ کہنہ قاسم باغ کرکٹ اسٹیڈیم میں تحریک انصاف آج اپنا سیاسی میدان سجائے گی ، تحریک انصاف کی ضلعی انتظامیہ ملتان نے جلسہ کی تیاریاں مکمل کرلی ہیں ، چالیس فٹ اونچا جبکہ اسی فٹ چوڑا سٹیج تیار کیا گیا ہے ۔ جلسہ گاہ میں تیس ہزار کرسیاں لگائی جائیں گی ، جبکہ آٹھ ہزار کرسیاں خواتین کے لیے مخصوص کی گئی ہیں ۔ تاہم اس کرکٹ سٹیڈیم میں ایک لاکھ افراد آسکتے ہیں جبکہ کارکنوں کے داخلے کے لیے چار گیٹ لگائے گئے ہیں ، اس کے علاوہ واٹر ورکس روڈ پر پارکنگ کا انتظامیہ کیا گیا ہے اس موقع پر سیکورٹی کے سخت انتظامات کیے گئے ہیں،دوسری طرف ملتان پولیس نے پاکستان تحریک انصاف کے جلسے کے لئے سکیورٹی پلان ترتیب دے دیا ہے ۔ ترجمان ملتان پولیس کے مطابق جلسے کی سکیورٹی کے لئے دو ہزار سے زائد پولیس اہلکار تعینات ہونگے ۔ چودہ سو چھیاسٹھ پولیس اہلکار جلسہ گاہ کی سکیورٹی پر معمور ہونگے جبکہ چھ سو ریزروز سٹینڈ ٹو ڈیوٹی کریں گی ۔ جلسہ گاہ کی سکیورٹی کے تمام انتظامات کی نگرانی سی پی او ملتان سلطان احمد چودھری اور ایس ایس پی آپریشنز چودھری سلیم کریں گے۔
ایمز ٹی وی (کراچی) کراچی میں کچی شراب پینے سے مزید 2 افراد کی ہلاکت کے بعد جاںبحق ہونےوالوں کی تعداد 32 ہو گئی ہے،جناح اسپتال کے شعبہ ایمرجنسی کی انچارچ ڈاکٹر سیمی جمالی کا کہنا ہے کہ آج بھی کچی شراب سے متاثرہ 5 افراد کو اسپتال لایا گیا جس میں سے 2 افراد ہلاک ہو گئے ہیں، جبکہ کچی شراب سے مجموعی طور پر اب تک 32 افراد اپنی جانیں گنوا چکے ہیں اور 4 افراد کی حالت تشویشناک ہے۔ کچی شراب پینے کے باعث مرنے والوں میں سے بیشتر کا تعلق لانڈھی اور کورنگی سے ہے۔
ایمز ٹی وی (اسلام آباد) وزیراعظم نواز شریف کی زیر صدارت بھارتی جارحیت کے حوالے سے قومی سلامتی کا اجلاس اسلام آباد میں جاری ہے، تفصیلات کے مطابق وزیراعظم نواز شریف کی زیر صدارت ورکنگ باﺅنڈری پر بھارتی جارحیت کے حوالے سے حکمت عملی طے کی جائے گی اور وزیر اعظم کو بتایا جائے گا کہ کہ مسلح افواج کی جانب سے بھارتی جارحیت کا کس قدر موثر جواب دیا جا رہا ہے، قومی سلامتی کمیٹی کے اجلاس میں شمالی وزیرستان میں جاری آپریشن ضرب عضب میں ہونے والی پیش رفت کا بھی جائزہ لیا جائے گا، اجلاس میں پاک فوج کے اہلکار آپریشن ضرب عضب کے حوالے سے بریفنگ دیں گے۔ واضح رہے کہ قومی سلامتی کمیٹی کے اجلاس سے قبل آرمی چیف جنرل راحیل شریف اور پاک بحریہ کے نئے نیول چیف ایڈمرل محمد ذکا ءاللہ نے وزیراعظم میاں نواز شریف سے علیحدہ علیحدہ ملاقاتیں بھی کیں جس میں مسلح افواج کے پیشہ ورانہ امور پر تبادلہ خیال کیا گیا۔اجلاس میں چیئرمین جوائنٹ چیف آف سٹاف کمیٹی جنرل راشد محمود ، ڈی جی آئی ایس آئی لیفٹیننٹ جنرل ظہیر الاسلام،آرمی چیف جنرل راحیل شریف، چیف آف نیول سٹاف ایڈمرل محمد ذکاءاللہ ، چیف آف ایئر سٹاف ایئر چیف مارشل طاہر رفیق بٹ، ڈی جی ملٹری سمیت وفاقی وزراءاور وزیراعظم کے مشیر سرتاج عزیز اور طارق فاطمی بھی شریک ہیں۔
ایمز ٹی وی (کراچی) پی آئی اے کی پہلی حج پرواز300 سے زائد حاجیوں کو لے کر کراچی پہنچ گئی ہے۔ پہلی حج پرواز کو صبح 5 بجے ایئرپورٹ پہنچنا تھا لیکن پرواز ساڑھے 3 گھنٹے کی تاخیر کے بعد ساڑھے 8 بجے کراچی پہنچی جس پر حاجیوں کے استقبال کے لئے آنے والوں نے پی آئی اے کی انتظامیہ کو شدید تنقید کا نشانہ بنایا۔
واضح رہے کہ رواں برس دنیا بھر سے تقریباً 25 لاکھ افراد نے حج کی سعادت حاصل کی ہے جب کہ پاکستان سے بھی ایک لاکھ 43 ہزار حاجیوں نے حج ادا کیا ہے۔
ایمز ٹی وی (اسلام آباد) خواجہ آصف کا اپنے لائن آف کنڑول اور ورکنگ باؤنڈری پر بھارتی جارحیت پر اپنا ردعمل ظاہر کرتے ہوئے کہنا تھا کہ پاکستان بھارتی جارحیت کا منہ توڑ جواب دینے کی بھرپور صلاحیت رکھتا ہے لیکن ہم نہیں چاہتے کہ 2 ایٹمی طاقت کے حامل ہمسایہ ممالک کے درمیان کشیدگی بڑھے اس لئے بھارت کو معاملے پر ذمہ داری کا مظاہرہ کرنا چاہیئے،واضح رہے کہ گزشتہ کئی روز سے لائن آف کنڑول اور ورکنگ باؤنڈری پر بھارت کی جانب سے پاکستانی علاقوں میں بلا اشتعال فائرنگ اور گولہ باری کی جا رہی ہے جب کہ گزشتہ 4 روز سے ورکنگ باؤنڈری پر بھارتی گولہ باری سے اب تک 12 پاکستانی شہری شہید اور 50 سے زائد زخمی ہو چکے ہیں۔
ایمز ٹی وی (کراچی) کراچی سمیت راولپنڈی اور اسلام آباد میں عید الاضحی کی تعطیلات کے بعدتمام تعلیمی ادارے اور دفاترمعمول کے مطابق کھل گئے ہیں ، تاہم تعلیمی اداروں سکولوں اور سرکاری دفاتر میں پہلے روز حاضری معمول سے کم رہی ۔ واضح رہے کہ عید الاضحیٰ کے موقع پر حکومت سندھ کی جانب سے 3 روز چھٹی کا اعلان کیا گیا تھا۔۔۔
ایمز ٹی وی(نیوز ڈیسک)پاکستان کے ماڈل سنگر اور اداکار علی ظفر کا کہنا ہے کہ ان کی خواہش ہے کہ مزید پاکستانی بالی ووڈ میں آکر کام کریں تاکہ دونوں ممالک کے سپر اسٹارز کو ایک دوسرے کو سمجھنے کا بہتر موقع مل سکے۔
علی ظفر کا کہنا تھا کہ پاکستانی اداکار فواد خان ان کے بہت اچھے دوست ہیں اور فواد سے انکا کوئی مقابلہ نہیں ہے، فواد خان نے بہت خوبصورتی سے بھارت کی فلم انڈسٹری میں اپنی جگہ بنائی ہے لیکن چاہتا ہوں کہ مزید پاکستانی اداکار بھارت آکر کام کریں تاکہ دونوں ممالک کے اداکار ایک ساتھ اپنے فن کا مظاہرہ کر سکیں اور ایک دوسرے کو سمجھ سکیں۔
ایمز ٹی وی (اسلام آباد) تحریک انصاف کے چیئرمین عمران خان نے کہا ہے کہ کئی روز سے بھارتی جارحیت ہورہی ہے ،کدھر ہے لیڈر،قوم کو اس وقت لیڈر کی ضرورت ہے۔ سرتاج عزیز کو آگے نہ کریں۔ بھارتی جارحیت پر ابھی تک وزیراعظم کی جانب سے کوئی بیان سامنے نہیں آیا۔ وہ بھارتی جارحیت کے خلاف بیان دیں۔انھوں نے کہا کہ آباد دھرنوں سے پاکستان کا سارا معاشرہ جاگ گیا ہے اورخواتین کی وجہ سے گھر گھر میں انقلاب آگیا ہے، انہوں نے کہاکہ میرا عزم کم نہیں ہوا، نوازشریف کے استعفیٰ تک یہاں سے نہیں جاؤں گا۔ عمران خان نے کہا کہ دھرنے کے دوران مشکل وقت سے گزرے مجھے کہا گیا کہ دھرنے میں لوگ کم ہوگئے ہیں۔ فیس سیونگ کیلئے حکومت سے معاہدہ کرلیں ،برے وقت میں بھی نوازشریف کے استعفیٰ سے پیچھے نہیں ہٹا۔ ان کا کہنا تھا کہ خواتین ہماری تحریک کیلئے گھروں سے نکل آئی ہیں ، بچوں میں سیاسی شعور آگیاہے جس پربہت خوش ہوں۔عمران خان نے کہاکہ کراچی ، لاہور اور میانوالی میں تاریخی جلسوں نے ثابت کردیا ، تبدیلی آگئی ہے،جمعہ کو ملتان میں جلسوں کے تمام ریکارڈ ٹوٹنے والے ہیں۔ انہوں نے کہاکہ نئے پاکستان میں غربت کے خاتمے کیلئے پالیسیاں بنائیں گے،نیا پاکستان خواب کا نام نہیں ،اس پر عمل کریں گے۔ انہوں نے الزام لگایاکہ نوازشریف بھارت کیخلاف بیان کاروباری مفادات کی وجہ سے نہیں دے رہے۔
ایمز ٹی وی (انٹرٹینمنٹ) عید الاضحی کے موقع پرریلیز ہونے والی پاکستانی فلموں نے بالی وڈاسٹارہریتک روشن اورکترینہ کیف کی کثیرسرمائے سے بننے والی فلم ’’بینگ بینگ‘‘ کا بینڈ بجادیا۔
ایک طرف فلم اسٹار شان، ایوب کھوسہ اورحمید شیخ نے اپنی جانداراداکاری سے فلم ’’آپریشنO21 ‘‘ کی کامیابی میں اہم کردار اداکیا تودوسری جانب اداکارجاوید شیخ، فہد مصطفیٰ اورمحسن کی بہترین اداکاری اورمہوش حیات پرفلمائے گئے آئٹم سانگ نے ’’نامعلوم افراد‘‘ کولوگوں کی توجہ مرکزبنادیا،پاکستان بھر میں کراچی ، اسلام آباد، راولپنڈی، گوجرانوالہ، سرگودھا، ملتان سمیت پاکستانی فلموں نے ریکارڈ بزنس کیا جب کہ ان کے مقابلے میں بھارتی فلم ’’بینگ بینگ‘‘کا بزنس ایوریج رہا۔
فلم کے ڈائریکٹر جامی ہیں جب کہ فلم کی پروڈیوسر زیبا بختیاراورمیوزک اذان سمیع نے ترتیب دیا ہے، جبکہ دوسری فلم’’نامعلوم افراد‘‘ ہے جسے نوجوان ڈائریکٹر نبیل قریشی اورفضا علی مرزا نے بنایاہے۔ یہ ایک کمرشل فلم ہے اوراس میں ہمارے معاشرے کی ایک کہانی کوموضوع بنایا گیا ہے لیکن اس کے ساتھ ساتھ فلم میں مزاح اورمیوزک کا بھی خاص خیال رکھا گیا ہے۔ فلم میں مہوش حیات کے آئٹم سانگ’’بلی‘‘نے پاکستانی عوام کے دل جیت لیے۔
ایمز ٹی وی (میرانشاہ) وزیراعظم نوازشریف ایک روزہ دورے پرمیرانشاہ پہنچ گئے،جہاں آرمی چیف جنرل راحیل شریف نےوزیراعظم کااستقبال کیا،وزیراعظم کوآپریشن ضرب عضب پربریفنگ دی جارہی ہے،جبکہ وزیراعظم نوازشریف نےآپریشن میں مصروف افسروں اورجوانوں سےملاقات بھی کی،چودھری نثار،عبدالقادربلوچ اورگورنرخیبرپختونخوابھی وزیراعظم کےساتھ ہیں ،واضح رہے کہ کسی بھی پاکستانی وزیراعظم کا میرانشاہ کا یہ پہلا دورہ ہے.