ایمز ٹی وی ( کوئٹہ )سبزل روڈ پر مسلح افراد نے فائرنگ کر کے ایف سی کے 2 اہلکاروں کو شہید اور ایک کو زخمی کردیا۔
زرائع کے مطابق کوئٹہ کے نواحی علاقے سر پل میں سبزل روڈ پر نامعلوم مسلح افراد نے ایف سی اہلکاروں پر فائرنگ کر دی جس کے نتیجے میں 2 اہلکار موقع پر ہی جاں بحق اور ایک شدید زخمی ہوگیا، زخمی اہلکار کو طبی امداد کے لئے فوری طور پر اسپتال منتقل کردیا گیا ہے۔
دوسری جانب پولیس اور ایف سی کی بڑی تعداد نے علاقے کا گھیراؤ کر کے دہشت گردوں کی تلاش کے لئے سرچ آپریشن شروع کردیا ہے۔