ایمز ٹی وی (کوئٹہ) بلوچستان کے بیشترعلاقوں میں طوفانی بارشوں کا سلسلہ جاری ہے ، مختلف علاقوں میں کئی بوسیدہ چھتیں گرگئیں ، ندی نالوں میں طغیانی سے سیلاب کی صورتحال پیدا ہوگئی ہے ۔ محکمہ موسمیات کا کہنا ہے کہ صوبہ بھر میں بارشیں مزید دو روز تک جاری رہیں گی ۔ بلوچستان بھر میں طوفانی بارشوں سے ہر طرف پانی ہی پانی ہے ۔ نشیبی علاقے زیرآب آ گئے جبکہ چمن سمیت دیگر علاقوں میں رابطہ سڑکیں بہہ گئیں ۔ کوئٹہ سمیت صوبے کے بیشتر علاقوں میں طوفانی بارشوں نیا سلسلہ جاری ہے ۔ پنجگو، دالبندین ، سبی ،قلات اور کوئٹہ سمیت بلوچستان کے دیگر اضلاع میں بارش ریکارڈ کی گئی ۔ محکمہ موسمیات کے مطابق بارشوں کا یہ نیا سلسلہ آئندہ دو روز تک جاری رہے گا ۔ محکمہ موسمیات کے مطابق دالبندین میں 22 ، پنجگور میں 11 ، سبی میں 22 ، قلات میں 36 اور پسنی میں صفر ملی میٹر بارش ریکارڈ کی گئی ہے ۔ موسم کا حال بتانے والے کہتے ہیں کہ بارشوں کا یہ سلسلہ آئندہ دو روز تک جاری رہے گا ۔ ابتک کئی علاقوں میں کچے گھروں کی چھتیں اور دیواریں گر چکی ہیں جس کے نتیجے میں دو افراد جاں بحق ہوچکے ہیں ۔ کمشنر کوئٹہ نے بارشوں سے ہونے والے نقصان کے پیش نظر تمام متعلقہ محکمو ں کے ملازمین کی چھٹیاں منسوخ کر دی ہیں جبکہ کسی بھی ہنگامی صورتحال سے نمٹنے کے لئے کوئٹہِ ، قلعہ عبداللہ ، پشین ، چاغی اور نوشکی کے ڈپٹی کمشنر کو افرادی قوت اور مشینری کو الرٹ رکھنے کی ہدایت بھی کی گئی ہے ۔ کوئٹہ اور گرد و نواح میں بادل چھائے ہوئے ہیں ۔
بلوچستان کے کئی شہروں میں موسلا دھار بارش سے نشیبی علاقے زیرآب آ گئے ، رابطہ سڑکیں بہہ گئیں ، مچھ میں دو افراد جاں بحق اور گیارہ زخمی ہو گئے ۔ سریاب کےعلاقے موسیٰ کالونی میں زمینوں میں دراڑ پڑنےکے باعث سینکڑوں مکانات متاثر ہوئے ، محکمہ موسمیات نے وارننگ جاری کردی ۔ بلوچستان کے مختلف اضلاع میں بارشوں کا سلسلہ جاری ہے ۔ کوئٹہ ، مکران ، سبی ، دالبندین ، ژوب ، چمن ، میں بادل خوب برسے ، مچھ میں بارش کے باعث گاڑی کو حادثہ پیش آیا جس میں 2 افراد جاں بحق جبکہ 11 زخمی ہوگئے ، جھل مگسی میں ڈیم کے بند ٹوٹنے کی وجہ سے سیلابی صورتحال پیدا ہوگئی ہے ۔ چمن کے گرد و نواح میں بارشوں کے ندی نالوں میں طغیانی آگئی ہے ۔ کئی کچے مکانات منہدم ہوئے ہیں تاہم کوئی جانی نقصان نہیں ہوا ۔ ژوب میں ندی نالے بپھر گئے اور جو راستے میں آیا بہا لے گئے ۔ سڑکیں بند ہونے سے لوگوں کو مشکلات کا سامنا ہے ۔ محکمہ موسمیات نے بلوچستان میں آج مزید بارشوں کی پیش گوئی کردی ہے ۔ موسلا دھار بارشوں کے ساتھ طوفانی ہوائیں بھی چل سکتی ہیں ۔ ڈیرہ اسماعیل خان ، ٹانک ، موسیٰ خیل ، فیصل آباد ، ٹوبہ ٹیک سنگھ ، ملتان ، راجن پور اور بھکر میں بارش نے جل تھل کر دیا ۔ محکمہ موسمیات نے اگلے چار روز ملک کے بیشتر علاقوں میں بارش کا امکان ظاہر کیا ہے.