اسلام آباد: کامسیٹس یونیورسٹی اسلام آباد، ایبٹ آباد کیمپس میں 32واں جلسہ تقسیم اسناد کی تقریب منعقد کی گئی۔

منعقدہ کانووکیشن میں 1296طلبا و طالبات کو ڈگریاں تفویض کی گئیں۔

جبکہ 58طلبا و طالبات کو نمایاں پوزیشنز حاصل کرنے پر گولڈ،سلوراور برونز میڈل اور 39طلبا و طالبات کو پی ایچ ڈی کی ڈگریاں دی گئیں ۔

ڈاکٹر ایس ایم جنید زیدی مہمان خصوصی تھے ۔تقریب میں ممبر آف سینیٹ ، ممبر آف سینڈیکیٹ، ممبر آف اکیڈمک کونسل، مختلف کیمپسز کے ڈائریکٹرز، بورڈ آف فیکلٹی،ڈینز آف فیکلٹی اور پروفیسرز نے شرکت کی۔

ڈاکٹر ایس ایم جنید زیدی نے طلبا و طالبات اور ان کے والدین کو مبارکباد دی۔