ایمز ٹی وی(لاہور) پنجاب بھر کے شہروں میں سی این جی سیکٹر کو آج شام 6 بجے سے ہفتے کی شام 6 بجے تک سی این جی کی فراہمی معطل کرنے کا فیصلہ کر لیا گیا ہے۔
فیصلہ گھریلو صارفین کو گیس پریشر میں کمی کے باعث کیا گیا ہے اور ذرائع کا کہنا ہے کہ آج شام چھ بجے سے ہفتے کی شام چھ بجے تک سی این جی سٹیشنز بند رکھے جائیں گے۔ واضح رہے کہ سردی کی شدت میں اضافے کے ساتھ ہی پنجاب بھر میں گھریلو صارفین کو گیس کی فراہمی میں شدید مشکلات کا سامنا ہے اور بیشتر علاقوں میں گیس کی فراہمی معطل ہو کر رہ گئی ہے۔
وفاقی دارالحکومت اور راولپنڈی میں بھی صورتحال انتہائی ابتر ہے اور گھریلو صارفین کو صبح اورش شام کے وقت گیس تقریباً نہ ہونے کے برابر ہے