ایمز ٹی وی(لاہور) وزیراعلیٰ پنجاب شہباز شریف نے کہا ہے کہ وزیراعظم بلوچستان پر خصوصی توجہ دے رہے ہیں جبکہ پنجاب حکومت بھی بلوچستان کے طلباءسے ہر ممکن تعاون کرے گی۔
بلوچستان کے طلباءمیں لیپ ٹاپ تقسیم کرنے کی تقریب سے خطاب کرتے ہوئے وزیراعلیٰ پنجاب نے کہا کہ بلوچستان ہمارا بہت پیارا صوبہ ہے اور طلباءاور اساتذہ سے مل کر بہت خوشی ہو رہی ہے ۔ وزیراعظم بلوچستان پر خصوصی توجہ دے رہے ہیں جہاں انفراسٹرکچر کے منصوبوں پر کام جاری ہے، دور دراز علاقوں میں بجلی کی فراہمی بہت بڑا چیلنج ہے جس سے نمٹنے کی بھرپور کوشش کر رہے ہیں۔
انہوں نے مزید کہا کہ پاک، چین اقتصادی راہداری کے باعث آنے والے دنوں میں گوادر کاروباری سرگرمیوں کا مرکز بنے گا اور آپ اندازہ نہیں کر سکتے کہ اس سے نوجوانوں کیلئے کتنے مواقع پیدا ہوں گے