ایمز ٹی وی(لاہور) محکمہ موسمیات نے ریڈ الرٹ جاری کرتے ہوئے لاہور میں اگلے 3روز کے دوران درجہ حرارت 45سے 48ڈگری سینٹی گریڈ تک رہنے کی پیشن گوئی کر دی ۔ میڈیا زرائع کے مطابق محکمہ موسمیات نے لاہور میں شدید گرمی کا الرٹ جاری کردیا ہے اور لوگوں کوا حتیاطی تدابیر اختیار کرنے کی ہدایت کرتے ہوئے کہا گیا ہے کہ شدید گرمی سے جلدی امراض پیدا ہو سکتے ہیں ۔ دوسری جانب ماہرین صحت کا کہنا ہے کہ شہری دن میں ساڑھے 4لیٹر تک پانی استعمال کریں اور صبح 11بجے سے شام 4بجے تک بلا ضرورت سفر کرنے اور دھوپ میں چلنے پھرنے سے گریز کریں ۔