ایمزٹی وی (پنجاب)چیف ٹریفک آفیسر رائے اعجاز نے کہا ہے کہ جی ٹی روڈ پر سابق وزیر اعظم نواز شریف کی ریلی کے پیش نظر متبادل ٹریفک پلان ترتیب دے دیا ہے جس کے مطابق دو ہزار سے زائد وارڈن ڈیوٹی انجام دیں گے۔ پولیس لائنز میں پریس کانفرنس کرتے ہوئے سی ٹی او نے بتایا کہ ریلی جی ٹی روڈ پر آئے گی ، اس لیے لاہور سے جانے اورآنے والے افراد موٹر وے استعمال کریں جبکہ جنوبی پنجاب سے آنے والے افراد رالپنڈی جانے کے لیے ٹھوکر نیا زبیگ آئیں اوروہاں سے موٹروے پر ہو جائیں ۔ انہوں نے کہا کہ امامیہ کالونی سے داتا دربار تک جی ٹی روڈ مکمل بندہو گی، شہری ملحقہ سڑکیں استعمال کریں ۔

چیف ٹریفک آفیسرکا بتایا کہ ایم اے او کالج سے شاہدرہ تک میٹروبس سروس بھی بندرہے گی جبکہ مال روڈ،کینال روڈ اور رنگ روڈہرقسم کی ٹریفک کے لئے کھلی رہیں گی