ھفتہ, 07 دسمبر 2019


ایڈزسےبچاوکیلئےسوشل میڈیاپربھی موثرآگاہی مہم چلاناوقت کا تقاضاہے

لاہور: وزیراعلیٰ پنجاب سردار عثمان بزدار نے کہا ہے کہ ایڈز ایک مہلک مرض ہے اس سے بچاﺅ کیلئے احتیاط لازم ہے،صحت مند زندگی بسر کرنے کے مثبت رویوں کو اختیار کرکے محفوظ رہاجاسکتا ہے ۔
 
وزیراعلی پنجاب عثمان بزدارنے ایڈز سے بچاﺅ کے عالمی دن کے موقع پر اپنے پیغام میں کہاہے کہ ایڈز سے بچاﺅ اور احتیاطی تدابیر کیلئے موثر آگاہی مہم سے بہتر نتائج برآمد ہو سکتے ہیں ،وزیراعلیٰ پنجاب کاکہنا ہے کہ ایڈز سے بچاو کیلئے سوشل میڈیا پر بھی موثر آگاہی مہم چلانا وقت کا تقاضا ہے،ایڈز کی روک تھام کیلئے سول سوسائٹی اور سماجی تنظیموں کو مشترکہ جدوجہد کرنا ہوگی،مشترکہ کاوشوں اوراجتماعی اقدامات سے ایڈزکے مرض کوبہت حدتک کنٹرول کیاجاسکتا ہے۔
 
وزیراعلیٰ عثمان بزدار کا کہنا ہے کہ پنجاب حکومت ایڈز پر قابو پانے کیلئے موثر حکمت عملی کے تحت اقدامات اٹھا رہی ہے ،ایڈزکے حوالے سے مفت مشاورت، تشخیص اورعلاج کیلئے مراکز کام کر رہے ہیں،پنجاب ایڈز کنٹرول پروگرام کے تحت مریضوں کو مفت ادویات اور ٹیسٹوں کی سہولت میسر ہے۔

پرنٹ یا ایمیل کریں

Leave a comment