امیز ٹی وی (کراچی) کے ایم سی مین لیند دیپارٹمنٹ کے بد عنوان افسان کے خلاف نیب نے گھیرا تنگ کردیا ،نیب کے طلب کرنے پر کے ایم سی نے پچاس بد عنوان افسران کی فہرست ریکارڈ کے ساتھ نیب کو ارسال کردی ۔تفصیلات کے مطابق کراچی میں ز مینوں پر قبضے ،جعلی الاٹمنٹ اور مہنگی زمینوں کوڑیوں کے مول فروخت میں ملوث بد عنوان افسران کے خلاف کارروائی شروع ہوگئی ،کے ایم سی نے لینڈ ڈیپارٹمنٹ کا 18 سال کا تمام ریکارڈ بھی حوالے کیا ہے ،50 بد عنوان افسران پر کلفٹن ،گلستان جوہر اور لانڈھی میں کروڑوں کی اراضی کوڑیوں کے دام فروخت کرنے ،چائنا کٹنگ اور جعلی لیز الاوٹمنٹ کے ساتھ زمینوں پر بھی قبضہ کا الزام ہے ،بد عنوان افسران کی گرفتاری کے لئے کوششیں شروع کردی گئی ہیں ،تاہم ذرائع کے مطابق کئی افسران گرفتاری کے خوف سے بیرن ملک فرار ہو چکے ہیں ۔