ایمزٹی وی (کھیل) برطانیہ میں ہونے والا کلاسک ٹینس ٹورنامنٹ میزبان ملک کی جوہانا کونٹا نے امریکا کی سٹار ٹینس پلیئر وینس ولیمز کو ہرا کر جیت لیا ہے ۔ کلاسک ٹینس ٹورنامنٹ کے فائنل میں میزبان ملک کی جوہانا کونٹا کا مقابلہ امریکا کی وینس ولیمز کیساتھ ہوا ۔
برطانوی ٹینس پلیئر نے امریکی حریف کا جم کر مقابلہ کیا ۔ انہوں نے پہلا سیٹ دلچسپ مقابلے کے بعد سات پانچ سے اپنے نام کیا ۔ وینس ولیمز نے دوسرے سیٹ میں اچھا کم بیک کیا اور پانچ سات سے کامیابی حاصل کی لیکن تیسرے سیٹ میں قسمت کی دیوی برطانیہ کی ٹینس پلیئر پر مہربان ہو گئی ۔ انہوں نے میچ میں سات پانچ ، پانچ سات اور چھ دو سے فتح حاصل کر کے ایونٹ کی ٹرافی پر قبضہ جما لیا۔