ایمزٹی وی(کھیل) ریو اولمپکس میں چینی ایتھلیٹ نے ساتھی کھلاڑی کو پوڈیم پر شادی کی پیشکش کرکے خوشگوار حیرت میں مبتلا کردیا۔

کھیلوں کا سب سے بڑا ایونٹ دو ایتھلیٹس کے لئے ناقابل فراموش بن گیا، چینی ایتھلیٹ نے شادی کی پیشکش کیلئے انوکھا انداز اپنایا، ریو میں جاری اولمپکس میں سینکڑوں شائقین کی موجودگی میں چینی تیراک نے اپنی گرل فرینڈ کو ہیرے کی انگوٹھی پیش کردی۔

تین میٹر اسپرنگ بورڈ ایونٹ میں چاندی کا تمغہ جیتنے والی چینی ایتھلیٹ ہی زی نے اپنا میڈل ہی وصول کیا تھا کہ اچانک ان کے بوائے فرینڈ ان کے سامنے جا پہنچے اور 25 سالہ کن کائی نے گھٹنوں کے بل بیٹھ کر شادی کی پیشکش کرتے ہوئے انگوٹھی پیش کی، جس پر چینی ایتھلیٹ حیرت میں مبتلا ہوگئی۔ 25 سالہ کن کائی نے دل کی بات کہی جس پر وہ بھی انکار نہ کرسکی اور شرماتے ہوئے اپنا چہرے منہ سے چھپا لیا اور پھر ان کے بوائے فرینڈ نے انگوٹھی پہنائی۔

کن خود بھی ایک ایتھلیٹ اور مردوں کے مقابلے میں کانسی کا تمغہ جیت چکے ہیں۔

یاد رہے کہ ریو اولمپکس میں اس سے قبل برازیل کی رگبی ٹیم کے کھلاڑی ایسادورا سرولا نے مرجوری اینیا سے اولمپکس کے دوران منگنی کی تھی