ایمز ٹی وی(اسپورٹس) انٹرنیشنل کرکٹ کونسل (آئی سی سی) نے چیمپینز ٹرافی 2017ءکیلئے 8 سفیروں کا اعلان کر دیا ہے اور پاکستان کیلئے شاہد خان آفریدی کو سفیر مقرر کیا گیا ہے۔ تفصیلات کے مطابق آئی سی سی نے چیمپئنز ٹرافی 2017ءکیلئے 8 سفیروں کا اعلان کیا ہے اور پاکستان کی جانب سے یہ اعزاز اسٹار آل راﺅنڈر شاہد خان آفریدی کو ملا ہے۔ آئی سی سی نے بھارت کی جانب سے ہربھجن سنگھ، سری لنکا کی جانب سے کمار سنگاکارا، جنوبی افریقہ کیلئے گریم سمتھ، نیوزی لینڈ کے شین بونڈ، آسٹریلیا کے مائیک ہسی، بنگلہ دیش کے حبیب البشر، انگلینڈ کے این بیل کو سفیر مقرر کیا ہے۔ واضح رہے کہ چیمپینز ٹرافی کا آغاز یکم جون سے انگلینڈ میں ہو گا جس میں صرف 50 دن باقی رہ گئے ہیں۔ اس ایونٹ میں روایتی حریف پاکستان اور بھارت کا ٹاکرا 4 جون کو ہو گا۔