ایمزٹی وی (اسپورٹس)بھارتی آف اسپنر ایشون نے چنئی سپر کنگز کی آئی پی ایل میں واپسی کا موازنہ میونخ کے خوفناک فضائی حادثے سے کردیا ۔
بھارتی آف اسپنر ایشون نے چنئی سپر کنگز کی آئی پی ایل میں واپسی کا موازنہ میونخ کے خوفناک فضائی حادثے سے کردیا، جس میں مانچسٹر یونائیٹڈ کی پوری ٹیم ہلاک ہوگئی تھی۔ چنئی سپرکنگز پر فکسنگ اور دیگر الزامات پر2 برس کی پابندی عائد کردی گئی تھی جو اب ختم ہوچکی ہے، ایشون اسی ٹیم کی جانب سے ایونٹ کے آغاز سے کھیلتے رہے ہیں۔
انھوں نے کہا تھا کہ جس طرح مانچسٹر یونائیٹڈ فضائی حادثے کے بعد مقبول ہوا تھا اسی طرح چنئی سپر کنگز کی ویلیو میں بھی زیادہ اضافہ ہوگا، جب ٹویٹر پر شائقین نے ان کو تنقید کا نشانہ بنایا تو انھوں نے اپنے بیان کو ہی سیاق و سباق سے ہٹ کر پیش کرنے کاالزام عائد کردیا۔