ایمزٹی وی (تجارت)سندھ حکومت کی جانب سے سرکاری گندم کی سو کلو کی بوری 200 روپے سستی کرنے کا نوٹیفیکیشن جاری کردیا گیا، کل سے ملوں کو سرکاری گندم ملنے کے بعد آٹا 1 روپے کلو سستا کردیا جائے گا۔ سیکریٹری خوراک سندھ سعید اعوان نے جیو نیوز کو بتایا کہ سندھ حکومت نے اوپن مارکیٹ میں گندم کی قیمتوں کو مدنظر رکھتے ہوئے سرکاری گندم کی 100 کلو کی بوری 3400 روپے سےگھٹا کر 3200 روپے کردی ہے۔دوسری جانب فلار ملرز کا کہنا ہے کہ سرکاری گندم ملنے کے بعد آٹے کی ایکس مل قیمت بھی 37 روپے سے کم کر کے 36 روپے 50 پیسے فی کلو کردی جائے گی ۔