ایمزٹی وی (تجارت)امریکی صدر ڈونلڈ ٹرمپ نے ملک کے 50 فیصد اسٹریٹجک تیل ذخائر فروخت کرنے کی تجویز پیش کردی، جس سے تیل کی قیمتوں میں اضافے کے لیے اوپیک کی کوششوں کو دھچکہ لگنے کا خدشہ ہے۔

وائٹ ہاؤس کی جانب سے جاری کردی بجٹ پروپوزلز میں اسٹریٹجک پٹرولیم ریزرو (ایس پی آر) کی اکتوبر2018 سے 10 سال کے اندر فروخت سے 16.5 ارب ڈالر کی آمدن کا تخمینہ لگایا گیا ہے۔ واضح رہے کہ امریکا کے پاس 688 ملین بیرل اسٹریٹجک پٹرولیم ذخائر موجود ہیں جو دنیا میں سب سے زیادہ ہیں۔