ایمز ٹی وی ( تعلیم /سکھر ) پاکستان میڈیکل ڈینٹل کونسل کی جانب سے غلام محمد مہر میڈیکل کالج سے الحاق بحال ہونے کے بعد پہلی مرتبہ شہید بے نظیر بھٹو میڈیکل یونیورسٹی کے وائس چانسلر پروفیسر اصغر چنہ میڈیکل کالج سکھر پہنچے، جہاں کالج کے طلباء اور اساتذہ کی جانب سے ان کا استقبال کیا گیا،
اس موقع پر شہید بے نظیر بھٹو میڈیکل یونیورسٹی کے وائس چانسلر نے میڈیا سے بات چیت کرتے ہوئے کہا کہ ہماری خوش قسمتی ہے کہ مہر میڈیکل کالج کا ڈیڑھ سال کے بعد پی ایم ڈی سی نے الحاق بحال کیا ہے جس کے بعد کالج کے طلباء وطالبات ان کے والدین اور اساتذہ میں پھیلی ہوئی بے چینی ختم ہوچکی ہے اور رکے ہوئے داخلے جلد بحال ہونگے۔