ایمزٹی وی(تعلیم/پشاور)اسلامیہ کالج میں دو طلباء تنظیموں کے درمیان تصادم سے 2 طلباء زخمی ہوگئے ہیں۔
تفصیلات کے مطابق پنجاب یونیورسٹی میں طلباء تنظیموں کے مابین جھگڑے کے اثرات پشاور تک پہنچ گئے ہیں اور اسلامیہ کالج میں پختون اسٹوڈنٹس فیڈریشن اور اسلامی جمعیت طلباء کے درمیان جھگڑا ہونے سے 2 طلباء زخمی ہوگئے ہیں۔
طلباء تنظیموں کے مابین کشیدگی کے بعد پولیس کی بھاری نفری اسلامیہ کالج پہنچ گئی ہے اور زخمی ہونے والے طلباء کو ہسپتال منتقل کردیا گیا ہے۔گزشتہ روز پنجاب یونیورسٹی میں کشیدگی کے بعد طلبا میں جھگڑا ہوا ہے جبکہ ایک کارکن کو پولیس نےگرفتار کرلیا ہے۔