ایمزٹی وی (لاہور) لاہور ہائی کورٹ نے پنجاب حکومت کی درخواست مسترد کردی، درخواست میں ہنگامہ آرائی اور سرکاری املاک کے نقصان میں ملوث پاکستان عوامی تحریک کے کارکنوں کی ضمانتیں منسوخ کرنے کی استدعا کی گئی تھی۔ پنجاب حکومت نےلاہورہائی کورٹ کے روبرو دائررِٹ درخواست میں مؤقف اختیارکیا تھا کہ پاکستان عوامی تحریک کےکارکن ہنگامہ آرائی کرنے اور سرکاری املاک کے نقصان میں ملوث ہیں۔ انکےخلاف دہشت گردی کے مقدمات بھی درج ہیں، لہٰذا انکی ضمانتیں منسوخ کی جائیں۔ لاہور ہائی کورٹ کے 2 رُکنی بنچ نے یہ درخواست مستردکردی ۔