ایمزٹی وی(انٹرنیشنل) سعودی کابینہ نےمشرق وسطی کی ایک عسکریت پسند تنظیم کی دہشت گردانہ کارروائیوں کے خاتمے کے لیے عزم کا اعادہ کردیا ہے، پاکستان سمیت متعدد مالک کے ساتھ عدالتی تعاون بڑھانے کے لیے معاہدے کرنے کا فیصلہ کرلیا ہے۔
دار الحکومت ریاض کے الیمامہ شاہی محل میں ہونے والے سعودی کابینہ کے اجلاس کی صدارت شاہ سلمان بن عبدالعزیز نے کی، جس میں مختلف ملکی، علاقائی وبین الاقوامی امور پر بحث کی گئی۔
اجلاس کے بعد جاری ہونے والے مشترکہ بیان کہا گیا ہے کہ کابینہ نےمشرق وسطیٰ کی دہشتگرد تنظیم کی مجرمانہ کاروائیوں کا پردہ فاش اور روک تھام کے لئے عزم کا اعادہ کیا، اور منی لانڈرنگ میں ملوث پائے گئے اس تنظیم کے ارکان پر پابندی کی حمایت کردی ہے۔
اجلاس میں پاکستان سمیت بنگلہ دیش، سری لنکا، انڈونیشیا، فلپائن اور ایتھوپیا کے ساتھ عدالتی تعاون بڑھانے کا فیصلہ کیا گیا ہے اور اس سلسلے میں وزیر انصاف یا انکے نائبین کو ان ممالک کے ساتھ معاہدوں کو حتمی شکل دینے کی ہدایت کی ہے۔