ایمز ٹی وی(فیصل آباد) فیصل آباد کے نواحی علاقے سمندری میں پولیس اہلکار کی شادی پر زہریلی شراب پینے سے 4افراد ہلاک ہو گئے ۔ سمندری مین پولیس کانسٹیبل کی شادی میں آنے والے چار افراد زہریلی شراب پینے سے ہلاک ہو گئے جن کی لاشیں پولیس نے تحویل میں لیکر ہسپتال منتقل کر دی ہیں ۔ مرنے والے چاروں افراد پولیس اہلکار کے قریبی رشتہ دار تھے جو تقریب کے دوران شراب نوشی کرتے رہے اور پھر حالت غیر ہونے پر ہسپتال منتقل کیا گیا مگر جانبر نہ ہوسکے ۔پولیس نے واقعے کی تحقیقات کا آغاز کر دیا ہے