ایمز ٹی وی(گوجرانوالہ) پولیس اہلکار نے گاڑی سے موٹر سائیکل رکشہ ٹکرانے پر ڈرائیور کو تشددکا نشانہ بنا ڈالا ۔
گوجرانوالہ کے تھانہ صدر وزیر آباد میں تعینات سب انسپکٹر سمیع اللہ اپنے کیری ڈبے میں جا رہا تھا کہ موٹر سائیکل رکشے سے ٹکر ہو گئی جس پر وہ آپے سے باہر ہو گیا اور ساتھی کی مدد سے چندو نامی رکشہ ڈرائیور پر ڈنڈوں اور تھپڑوں کی بارش کر دی ۔ تشدد سے رکشہ ڈرائیور بے ہوش ہو گیا جسے ہسپتال منتقل کر دیا گیا ہے ۔
شہریوں نے بیچ بچاﺅ کرانے کی کوشش کی مگر تھانے دار لوگوں سے بھی الجھ پڑا جس کے بعد شہریوں نے اس کی درگت بنا دی تاہم وہ اپنی گاڑی میں فرار ہونے میں کامیاب ہو گیا ۔
عینی شاہدین کا کہنا ہے کہ غلطی بھی پولیس اہلکار کی تھی مگر اس کے باوجود اس نے رکشہ ڈرائیور کو ڈنڈے مار مار کے لہو لہان کر دیا اور بے ہوشی کے عالم میں چھوڑ کر فرار ہو گیا ۔واقعے کے بعد متاثرہ رکشہ ڈرائیور کو بے ہوشی کی حالت میں ہسپتال منتقل کر دیا گیا ہے جہاں اس کی حالت خطرے سے باہر بتائی گئی ہے