ایمز ٹی وی(گوجرانوالہ) گوجرانوالہ کے سول ہسپتال میں سٹریچر پر دیگیں رکھنے پر 2ملازمین کو معطل کر دیا گیا ۔
سول ہسپتال انتظامیہ نے سٹریچر پر دیگیں رکھنے کی خبر کا نوٹس لے لیا اور اس غفلت کے الزام میں ڈیوٹی پر مامور 2اہلکاروں کو معطل جبکہ انچار ج کو نوٹس جاری کر دیا ۔
ایم ایس سول ہسپتال ڈاکٹر انور امان کا کہنا ہے کہ دعوت اڑانے والے 8ڈاکٹروں کے خلاف بھی انکوائری کا حکم دیدیا گیا ہے جبکہ فوری طور پر ڈیوٹی پر مامور اشفاق اور ناصر نامی ملازمین کو معطل اور انچارج سیکیورٹی کو نوٹس جاری کیا گیا ہے ۔
انہوں نے کہا کہ ڈاکٹروں نے انتظامیہ کو بے خبر رکھا اور ہسپتال میں دیگیں منگوائی تاہم اس حوالے سے انکوائری جاری ہے اور جلد حقائق سامنے آئیں گے اور ذمہ داروں کیخلاف سخت کارروائی کی جائے گی