پاکستان تحریک انصاف کو پشاور میں بھی بڑا دھچکا لگ گیا ، عمران خان کے درینہ دوست اور بانی رہنما طاہر عمر زئی نے مسلم لیگ نواز میں شمولیت کا اعلان کردیا ۔
ذرائع کے مطابق پاکستان تحریک انصا ف کے بانی رکن طاہر عمر زئی نے عمران خان کو خیر آباد کہہ دیا اور وزیر اعظم نوازشریف کے مشیر امیر مقام کے ہمراہ مسلم لیگ نواز میں شمولیت کا اعلان کر دیا ۔
ذرائع کا کہنا ہے کہ طاہر عمر زئی کا شمار پاکستان تحریک انصاف کے بانی ارکان میں ہوتا ہے اور وہ عمران خان کے درینہ دوستوں میں شامل ہیں تاہم انہیں خیبر پختونخوا حکومت کے طرز حکمرانی کے حوالے سے شدید تحفظات تھے۔
جس کا اظہا ر عمران خان کے سامنے بھی کیا گیا تھا مگر ان کے تحفظات کو سنجیدگی سے نہیں لیا گیا اور آج انہوں نے پارٹی سے علیحدگی اختیار کرتے ہوئے نواز لیگ میں شمولیت کا اعلان کردیا ۔