ایمز ٹی وی (صحت /کراچی) جوائنٹ نرسز ایکشن کمیٹی کے تحت کراچی پریس کلب پر نرسوں کا احتجاجی دھرنا جمعرات کو تیسرے روز بھی جاری رہااس دوران ایک نرس کی حالت بگڑنے پر اسے اسپتال منتقل کردیا گیا جبکہ اسپتالوں میں نرسوں کی کمی کے باعث تیسرے روز بھی مریضوں کو دشواری کا سامنا کرنا پڑا اوردرجنوں آپریشن ملتوی ہوئے تاہم شام کو سیکریٹری صحت سندھ اور ڈپٹی میئر کراچی سے مذاکرات کی کامیابی پر کمیٹی کے رہنماؤں نے دھرنا ختم اور اسپتالوں میں خدمات سرانجام دینے کا اعلان کر دیا ۔
مذاکرات کی کامیابی کے بعد اعجاز کلیری نے میڈیا کو بتایا کہ سیکریٹری صحت سندھ ڈاکٹر فضل اللہ پیچوہو نے3دن میں ترقیوں کا مسئلہ حل کرنے کی یقین دہانی کرائی ہے
۔ ٹائم اسکیل پروموشن جمع کرانے کے احکامات دیئے ہیں ،الاؤنسز کی سمری ہم نے انہیں دے دی ہے جو چیک کرنے کے بعد وزیر اعلیٰ کی منظوری سے ملنا شروع ہو جائے گاجبکہ پرنسپلز کو بحال کر دیا جائے گا۔ ان کا کہنا تھا کہ اس سلسلے میں 7رکنی کمیٹی بنا دی گئی ہے جو ان مطالبات کی مکمل منظوری پر کام کرے گی ۔