ایمزٹی وی (اسلام آباد)پاکستان تحریک انصاف نے عائشہ گلالئی کے مسئلے پر آئندہ کی حکمت عملی طے کرنے کیلئے دوپہر ڈھائی بجے بنی گالہ میں پارلیمانی پارٹی کا اجلاس طلب کرلیا ہے۔
تفصیلات کے مطابق تحریک انصاف کی پارلیمانی پارٹی کا اجلاس دوپہر ڈھائی بجے ہوگا جس میں مشاورت کیلئے شیخ رشید کو بھی خصوصی طور پر بلایا گیا ہے۔ذرائع کا کہنا ہے کہ اجلاس میں عائشہ گلالئی کے الزامات پر آئندہ کی حکمت عملی پر بات چیت ہوگی جبکہ قومی اسمبلی میں قائم کی جانے والی اخلاقیات کمیٹی پر سٹریٹجی بھی زیر بحث آئے گی۔ تحریک انصاف کے رہنمافواد چوہدری اور بابر اعوان اخلاقیات کمیٹی کے قانونی پہلوﺅں پر بریفنگ دیں گے۔