ایمزٹی وی(اسلام آباد)الیکشن کمیشن نے الیکشن 2018 کا ووٹنگ کا طریقہ وضع کردیا۔
الیکشن کمیشن کے جاری کردہ اعلامیہ کے مطابق عام انتخابات میں قومی اسمبلی کے بیلٹ پیپرکا رنگ سبز اور صوبائی اسمبلیوں کے لئے بیلٹ پیپر کا رنگ سفید ہوگا۔ الیکشن کمیشن کے وضع کردہ طریقہ کار میں بتایا گیا ہے کہ پہلے مرحلے میں پولنگ افسر ووٹر کا اصل قومی شنا ختی کارڈ چیک کرے گا ۔ پولنگ افسر شناختی کارڈ کی چیکنگ ک بعد ووٹر لسٹ میں درج نام چیک کرے گا اور ووٹر کا نام سلسلہ نمبر پولنگ ایجنٹس کے لئے بلند آواز میں پکارا جائے گا۔
الیکشن کمیشن کے مطابق ووٹرکا سیدھی لکیر دے کرلسٹ سے نام کاٹ دیا جائے گا جس کے بعد کاﺅ نٹر فائر پر ووٹر کے انگوٹھے کا نشان لیا جائے گا پھر انگوٹھے کے ناخن کے جوڑ ہر ان مٹ سیاہی کا نشان کگادیا جائے گا۔
الیکشن کمیشن کے مطابق قومی و صوبائی اسمبلی کے لیے اسسٹنٹ پریزائیڈنگ افسر بیلٹ پیپر کی پشت پر دستخطے کرے گا، دستخط لینے کے بعد ووٹر کو سبز رنگ اور سفید بیلیٹ پیپر جاری کیا جائے گا اور ووٹر ووٹنگ اسکرین کے پیچھے جا کر اپنے پسندیدہ امیدوار کے انتخابی نشان پر مہر لگائے گا۔
الیکشن کمیشن نےبتایا کہ قومی اسمبلی کا سبز بیلٹ پیپر سبز ڈھکن والے جب کہ صوبائی اسمبلی کا سفید بیلٹ پیپر سفید ڈھکن والے باکس میں ڈالا جائے گا۔
الیکشن کمیشن کے مطابق پولنگ کا عمل 25 جولائی کو صبح 8 بجے شروع ہوگا اور شام 6 بجے ختم ہوگا، پولنگ کا وقت ختم ہونے کے بعد پولنگ اسٹیشن کا دروازہ بند کر دیا جائے گا اور وقت ختم ہونے پر پولنگ اسٹیشن کے اندر موجود ووٹرز کو ووٹ ڈالنے کی اجازت ہوگی۔