اسلام آباد: بحریہ یونیورسٹی کے نیشنل انسٹیٹیوٹ آف میری ٹائم افیئرز کے زیر اہتمام ایران امریکہ تنازع کے خطے اور عالمی تحفظ پر اثرات کے حوالے سے خصوصی بحث کا انعقاد کیا گیا جس میں شعبہ تعلیم سے وابستہ اور پالیسی ساز شخصیات نے شرکت کی جنہوں نے اس تنازع سے متعلق حکومت اور دیگر اسٹیک ہولڈرز کے لئے اپنی سفارشات پیش کیں، سابق چیف آف نیول اسٹاف ، ایڈمرل (ریٹائرڈ) محمد ذکاء اللہ نے تقریب میں بطور مہمان خصوصی شریک تھے
سابق سفیر علی سرور نقوی، ایگزیکٹو ڈائریکٹر سینٹر فار انٹرنیشنل اسٹرٹیجک اسٹڈیز نے دونوں ممالک کے درمیان حالیہ تنازعے اور اس کے خطے پر دور رس نتائج پر تفصیلی گفتگو کی،بحث میں مسلح افواج کے ریٹائرڈ متعلقہ افسران، پالیسی ساز شخصیات، فیکلٹی ممبرز اور طلباء کی کثیر تعداد نے شرکت کی۔
مہمان خصوصی ایڈمرل (ریٹائرڈ) ذکاء اللہ نے ادارے کی کاوشوں کو سراہا اور اس بات کی امید ظاہر کی کہ یہ ادارہ بحریہ یونیورسٹی کی سرپرستی میں اپنی کاوشوں کو جاری رکھے گا