اسلام آباد: میٹرک کے سالانہ امتحان 2021 کے لیے وفاقی تعلیمی بورڈ نے معمول کےنصاب کو کم کرنے کی منظوری دے دی۔
میڈیا ذرائع کے مطابق میٹرک کے طلبہ و طالبات کے لیے اچھی خبر ہے کہ وفاقی تعلیمی بورڈ نے میٹرک کے سالانہ امتحان 2021 کے لیے معمول کے نصاب کو کم کرنے کی منظوری دے دی ہے۔
وفاقی تعلیمی بورڈ کا کہنا ہے کہ موجودہ حالات میں طلبہ کی سہولت کے پیش نظر فیصلہ کیا گیا ہے کہ امتحان 2021 کے لئے معمول کے نصاب کو کم کیا جائے، نصاب وفاقی تعلیمی بورڈ کی ویب سائٹ پر آویزاں کر دیا گیا ہے، طلباو اساتذہ نصاب ویب سائٹ سے ڈاؤن لوڈ کرسکتے ہیں۔