اسلام آباد: ہائر ایجوکیشن کمیشن میں ایگزیکٹیو ڈائریکٹر کی خالی پوسٹ پرتقرری کرنا مشکل ہوگیا۔
ہائر ایجوکیشن کمیشن کی جانب سے خالی پوسٹ کیلیے انٹرویوز کے لیے تشکیل کردہ سلیکشن بورڈ کے متنازع ہونے پر انٹرویو کیلئےشارٹ لسٹ کیے گئے امیدواران نے بھی انٹرویو میں شرکت سے انکار کر دیاہے۔
سلیکشن بورڈ کے معاملے پر وفاقی وزارت تعلیم و پیشہ ورانہ تربیت اور ہائر ایجوکیشن کمیشن آمنے سامنے آ گئے۔
گزشتہ روز وزارت تعلیم کی جانب سے سلیکشن بورڈ پر اٹھائے گئے تحفظات دور کر کے ای ڈی کی پوسٹ کے لئے انٹرویو منعقد کرنے کا کہا گیا تھا۔