ایمز ٹی وی (لاہور) پاکستان پیپلز پارٹی (پی پی پی )پنجاب کے سابق صدر قاسم ضیاءکی ضمانت کی درخواست لاہور ہائی کورٹ نے منظور کر لی۔ آٹھ کروڑ روپے کے کرپشن اسکینڈل میں درخواست ضمانت منظور کرتے ہوئے ہائیکورٹ نے انھیں رہا کرنے کا حکم دیا ہے۔ ملزم نے علی سیکیورٹی ایکسچینج میں آٹھ کروڑ روپے کے اسکینڈل میں دو کروڑ بیس لاکھ روپے رضا مندی کے ساتھ واپس کرنے کی درخواست دی۔ واضح رہے کہ نیب نے قاسم ضیاءکو گزشتہ ماہ آٹھ اگست کو کرپشن اسکینڈل میں گرفتار کیا تھا۔