ایمز ٹی وی (ڈیرہ غازی خان )قانون نافذ کرنے والے اداروں نے ڈیرہ غازی خان میں دہشتگردی کابڑا منصوبہ ناکام بنادیا، آپریشن کے دوران دو دہشت گرد مارے گئے۔پولیس ترجمان کے مطابق پولیس اور قانون نافذ کرنے والے اداروں نے سخی سرور کے پہاڑی علاقوں میں دہشتگردوں کے کیمپ کی اطلاع پر آپریشن کیادہشتگردوں کی جانب سے قانون نافذ کرنے والے اداروں پر فائرنگ کی گئی، جوابی کارروائی میں دو دہشتگردہلاک ہوگئے، جن کے قبضے سے خودکش جیکٹ، ہینڈگرینیڈ، کلاشنکوف اوراسلحہ برآمد ہوا۔ترجمان نے بتایا کہ دہشتگرد جنوبی پنجاب میں بڑی کارروائی کرنا چاہتے تھے، دہشت گردوں کی شناخت کریم نواز اور صفدر کے نام سے ہوئی، ان کاتعلق کالعدم تنظیم الاحرار سے تھا۔