ایمزٹی وی(سائنس) ارجنٹائن کے سائنسدانوں نے ڈائنو سار کی ایک نئی قسم دریافت کی ہے جس کے بارے میں خیال کیا جاتا ہے کہ یہ اب تک کرہ ارض پر سب سے بڑا جانور ہو سکتا ہے۔ تفصیلات کے مطابق ارجنٹائن کے محققین کی ٹیم کے سربراہ ڈاکٹر برنارڈو گونزالز ریگا کا کہنا ہے کہ نئے ڈائنو سار کو ”نوتو کلوسس گونزالیس پریہاسی“ کا نام دیا گیا ہے۔ سائنسدانوں نے اپنی دریافت کے بارے میں حال ہی میں رپورٹ شائع کی ہے جس میں ڈائنو سار کی شکل و شباہت کے حوالے سے تصاویر بھی شامل ہیں گونزالیز کا کہنا ہے کہ سائنسی اندازے سے کہا جا سکتا ہے کہ اس کا وزن ساٹھ ٹن‘ لمبائی اٹھائیس سے تیس میٹر تک ہو سکتی ہے جبکہ اس کا قد سات سے آٹھ میٹر ہو سکتا ہے جس کی بنیاد پر کہا جا سکتا ہے کہ اس کا منہ تیرہ سے چودہ میٹر بلندی تک جا سکتا تھا۔