ایمز ٹی وی (اسلام آباد) وفاقی وزیر صنعت و پیداوار مرتضیٰ جتوئی نے وزیر اعظم نواز شریف کے نام ایک احتجاجی  خط لکھا ہے  جس میں انھوں نے کہا ہے کہ ان کے ماتحت اداروں میں کام کرنے والے افسران وزیر اعظم کے نام پر حکم عدولی کرتے ہیں لہذایا تو انہیں حقیقی اختیارات دیئے جائیں یا پھر ان کو وزارت سے ہی فارغ کر دیا جائے۔ ان کا خط میں مزید کہناتھا کہ ایم ڈی پانی و بجلی عہدہ چھوڑ چکے ہیں مگر ابھی تک اختیارات استعمال کر رہے ہیں جبکہ ایم ڈی یوٹیلٹی سٹورز کاپوریشنز بھی میری بات نہیں سنتے۔ مرتضیٰ جتوئی نے وزیر اعظم سے فور ی شنوائی کی درخواست کی ہے۔جبکہ انھوں نے اس خط کے ہمراہ اپنا استعفیٰ بھی ارسال کر دیا ہے۔