ایمزٹی وی (ایجوکیشن) عالمی یوم خواتین کے حوالے سے اے پی ایم ایس او شعبہ طالبات کے زیر اہتمام سیمینارکا انعقاد کیا گیا۔اس موقع ہر سینئر ڈپٹی کنوینرمتحدہ قومی موومنٹ پاکستان ڈاکٹر فاروق ستار کا کہنا تھا کہ عورت ہمارے معاشرے کا ایک اہم رکن ہے۔ان کے بھی اتنے ہی حقوق ہیں جتنے ایک مرد کے ہیں،ہمارے معاشرے کی خواتین کو معاشرے کی ترقی کیلئے مردوں کے شانہ بشانہ کام کرنے اور آگے بڑھنے کی ضرورت ہے۔ ان کا مزید کہناتھا کہ عصر حاضر میں طلباوطالبات کے لئے نئے میڈیکل کالجز کا قیام وقت کی اہم ضرورت ہے۔ضرورت اس امر کی ہے کہ خواتین کے حقوق کے حوالے سے بنائے جانے والے قوانین پر عملدرآمد کو یقینی بنایا جائے تب ہی ہم ایک اچھے اور پائیدار معاشرے کو تشکیل دے سکتے ہیں۔ اس موقع پر رابطہ کمیٹی ممبر زرین مجید،چیئرمین اے پی ایم ایس او سرفراز صدیقی، وائس چیئر پرسن وجیہہ رﺅف اور مرکزی کابینہ بھی موجودتھی۔