کورونا وائرس کی وجہ سے قوم آج یوم پاکستان سادگی کے ساتھ منارہی ہے، یوم پاکستان پر منعقد ہونے والی تمام سرکاری اور غیرسرکاری تقریبات منسوخ کی جاچکی ہیں تاہم دن کے آغاز پر مساجد، گرجاگھروں، مندروں اور گورودوارں میں عبادت کے دوران ملک کی سلامتی، ترقی خوشحالی اورخاص طورپرکورونا وائرس سے بچائو کیلئے دعائیں مانگی گئیں۔
قومی اعزازات کی مرکزی تقریب آج ایوان صدر میں ہونا تھی جس میں صدرمملکت ڈاکٹر عارف علوی نے مختلف شخصیات کوعسکری وسول اعزازات سے نوازنا تھا، گورنر ہاؤسز میں ہونیوالی اعزازات کی تقاریب بھی منسوخ کر دی گئی ہیں۔
اعزازات کی تقریب صورتحال بہتر ہونے پر منعقد کی جائے گی، اسی طرح لاہورمیں مزاراقبال پرگارڈزکی تبدیلی کی تقریب بھی نہیں ہوئی، جب کہ واہگہ بارڈر، گنڈا سنگھ بارڈر پر قومی پرچم اتارے جانے کی تقریبات میں بھی شہری شریک نہیں ہوسکتے ہیں۔
ایمز ٹی وی ( اسلام آباد) قومی اسمبلی نے امریکی صدر ڈونلڈ ٹرمپ کے پاکستان مخالف دھمکی آمیز بیان کے خلاف مشترکہ قرارداد منظور کرلی۔ قومی اسمبلی کے اجلاس کے دوران وزیر خزانہ خواجہ آصف نے امریکی صدر ڈونلڈ ٹرمپ کے بیان اور جنوبی ایشیا سے متعلق نئی پالیسی پر مذمتی قرارداد پیش کی جسے ایوان نے متفقہ طور پر منظور کرلیا۔ قرارداد میں کہا گیا ہے کہ پاکستان کی افواج نے دہشتگردی کو جڑ سے ختم کرنے کا ارادہ کیا اور قربانیاں دیں، حکومت کے موثر اقدامات کی وجہ سے ملک میں دہشتگردی کم ہوئی،امریکی جنگ سے پاکستان کی معیشت کو اربوں ڈالر کا نقصان پہنچا ، امریکی صدر ٹرمپ اور جنرل نکلسن کے بیان دھمکی آمیز ہیں، قومی اسمبلی 21 اگست کی امریکی صدر ٹرمپ کی پالیسی مسترد کرتی ہے، ایوان کوئٹہ اور پشاور میں طالبان کی موجودگی کادعوی بھی مسترد کرتا ہے۔ جنوبی ایشیاپر نئی امریکی پالیسی کو مسترد کرتے ہیں۔ پوری قوم اس وقت ایک پیج پر ہے۔ ایوان نے ٹرمپ انتظامیہ کی طرف سے انڈیا کو افغانستان میں مزید کردار دینے کی مذمت کرتے ہوئے کہا کہ پوری پاکستانی قوم ٹرمپ پالیسی کے خلاف متحد ہے۔ قومی اسمبلی نے افغانستان میں داعش کی بڑھتی ہوئی موجودگی پر تشویش کا اظہار کرتے ہوئے کہا کہ ایوان دہشتگردی کے خلاف پاکستانی افواج کی قربانیوں کا اعتراف کرتا ہے۔ قرارداد میں کہا گیا کہ پاکستان ذمے دار ایٹمی قوت ہے جو مؤثر کمانڈ اینڈ کنٹرول نظام رکھتا ہے، دہشت گردی کیخلاف جنگ میں 70 ہزار افراد شہید ہوئے ، پاکستان کو 123 ارب ڈالر کا نقصان ہوا، یہ قربانیاں نظر انداز کی گئیں، مسلح افواج نے جو قربانیاں دیں، جوجنگ کر رہے ہیں امریکا نے اسے بھی نظر اندازکیا۔ ایوان نے کشمیریوں کی اخلاقی اور سفارتی حمایت جاری رکھنے کا عزم کرتے ہوئے کہا کہ امریکا کی طرف سے بھارت کو بالادست قوت بنانے سے خطہ عدم استحکام سے دوچارہوگا۔
ایمز ٹی وی(کراچی) وزیراعلیٰ سندھ مراد علی شاہ نے کہا کہ وفاق کی دوہری پالیسیوں کے باعث سندھ میں بجلی کا حال برا ہوا،
پیپلز پارٹی کی حکومت ٹرانسمیشن لائن کو بہتر کرنے میں مصروف ہے ۔سندھ اسمبلی میں پی ٹی آئی کے خرم شیر زمان کی جانب سے کے الیکٹرک کے خلاف پیش کی گئی قرارداد پر اظہار خیال کرتے ہوئے وزیراعلیٰ سندھ مراد علی شاہ نے کہا کہ وفاق نے سندھ میں بجلی کاجوحال کیا ہے وہ سب کوپتا ہے ، وزیراعظم سے ملاقات میں بھی سندھ میں بجلی کی غیر منصفانہ تقسیم پر بات کی اور ان سے کہا کہ ہمیں سندھ بجلی کے پلانٹ لگانے کی اجازت دی جائے تاکہ سندھ میں بجلی کی فراہمی یکساں بنائی جاسکے ۔
اسمبلی میں اظہار خیال کرتے ہوئے مراد علی شاہ نے کہا کہ وفاق اگر التوا میں پڑے ٹیرف کا معاملہ حل کردے تو دوہزار اٹھارہ تک آٹھ سو میگاواٹ بجلی پیدا کرینگے جس سے سندھ میں لوڈشیڈنگ میں کمی واقع ہوسکے گی
ایمز ٹی وی(کراچی) لندن قیادت کے اعلان کے بعد ایم کیو ایم کے اراکین پارلیمنٹ اور سینیٹرز استعفیٰ دینے یا نہ دینے کے لیے تذبذب کا شکار ہوگئے تاہم قومی اسمبلی حلقہ این اے 247 سے منتخب ہونے والے ایم کیو ایم کے امیدوار سفیان یوسف نے استعفیٰ دینے کا فیصلہ کرلیا ہے۔
لندن رابطہ کمیٹی کے بیان اور ایم کیو ایم کو تحلیل کرنے کے اعلان کے بعد اراکین اسمبلی و سینیٹرز تذبذب کا شکار نظر آرہے ہیں کیونکہ کنونیئر ایم کیو ایم نے اپنے ایک حالیہ بیان میں کہا تھاکہ ’’اسمبلی مینڈیٹ الطاف حسین کی وجہ سے ملا ہے، قائد ایم کیو ایم کے خلاف اسمبلی میں قرار داد کے بعد اب اراکین کو اُس کا حصہ نہیں رہنا چاہیے‘‘۔
لندن قیادت کی جانب سے فیصلے کے کچھ دیر بعد ایم کیو ایم کے رکن قومی اسمبلی سفیان یوسف نے سماجی رابطے کی ویب سائٹ پر ٹوئٹ کرتے ہوئے کہا ہے کہ ’’ایم کیو ایم کا مینڈیٹ الطاف حسین کا ہے اور میں جلد ہی اسمبلی سے استعفیٰ دے دوں گا‘
درائع کے مطابق لندن رابطہ کمیٹی کے بیان کے بعد کچھ اراکین اسمبلی نے اپنے موبائل فون بند کردئیے ہیں تاہم بعض کا کہنا ہے کہ ’’مینڈیٹ عوام کی امانت ہے اور خدمت کے لیے حاصل کیا گیا ہے، نشست سے استعفیٰ دینا عوام کے ساتھ زیادتی کے مترادف ہوگا۔ ذرائع نے اس بات کی بھی تصدیق کی ہے کہ اراکین اسمبلی اور سینیٹرز استعفوں سے متعلق ایک دو روز میں فیصلہ کرلیں گے جس کے بعد صورتحال واضح ہوجائے گی
یم کیو ایم پاکستان کے سربراہ ڈاکٹر فاروق ستار نے لندن کے بیان پر ردعمل دیتے ہوئے کہا کہ ’’ہم نے اللہ کا نام لے کر قوم کو بکھرنے سے بچانے کے لیے 23 اگست کو بڑا قدم اٹھایا۔ لندن کے بیان کے بعد ہمارے درمیان انتشار ڈھونڈنے سے بھی نہیں ملے گا اور تمام اراکین اسمبلی اپنی ذمہ داریاں اسی طریقے سے انجام دیتے رہیں گے۔
بعد ازاں ندیم نصرت نے اے آر وائی کے پروگرام الیونتھ آر میں خصوصی گفتگو کرتے ہوئے کہا کہ ’’ہمارے ذرائع اس بات کی تصدیق کرتے ہیں کہ ایم کیو ایم پاکستان پر کچھ طاقتوں کا دباؤ ہے تاہم آج اسمبلی میں جو ہوا ہمیں اُس کی امید نہیں تھی
ایمزٹی وی(انٹرنیشنل) اقوام متحدہ کی پندرہ رکنی سلامتی کونسل نے متفقہ طور پر ایک قرارداد کے ذریعے شمالی کوریا کے میزائل تجربے کی شدید مذمت کرتے ہوئے کہا ہے کہ گزشتہ روز شمالی کوریا نے تین روڈونگ میزائلوں کا تجربہ کیا اور جو تجرباتی میزائل داغے گے وہ ایک ہزار کلومیٹر دور جاپان کی فضائی حدود میں گرے جو کہ بین الاقوامی ضابطہ کار کی کھلی خلاف ورزی ہے ۔ شمالی کوریا کو کئی بار وارننگ بھی دی گئی تھی کہ وہ یو این او کے چارٹر کو فالو کرے لیکن اس نے عالمی برادری کی پرواہ کیے بغیر پیر کو میزائلوں کا تجربہ کر دیا ۔ یہ امر قابل زکر ہے کہ اقوام متحدہ پہلے بھی کئی بار شمالی کوریا کے خلاف قراردادیں منظور کر چکا ہے ۔ امریکی ذرائع ابلاغ کی رپورٹوں کے مطابق سلامتی کونسل کے اراکین نے ایک بار پھر شمالی کوریا کو وارننگ دیتے ہوئے کہا ہے کہ وہ آئندہ کسی بھی جوہری میزائل کا تجربہ کرنے سے باز رہے ۔ سلامتی کونسل کے صدر جیرارڈ وان بوبیمان نے اجلاس سے خطاب کرتے ہوئے کہا کہ شمالی کوریا کو اقوام متحدہ کی قراردادوں اور اس کے چارٹرڈ کا احترام کرنا ہوگا اس کے میزائل کے تجربات سے خطے میں تشویش کی لہر دوڑ گئی ہے ۔ شمالی کوریا کو یہ بات سمجھنا ہو گی کہ ایسی کارروائیوں سے طاقت کا توازن بگڑتا ہے اور تنائو میں اضافہ ہوتا ہے۔
ایمزٹی وی(انٹرٹینمنٹ) پاکستان تحریک انصاف نے پنجاب اسمبلی میں مشہور جاپانی کارٹون ڈورے مون پر پابندی عائد کرنے کے لیے قرارداد جمع کروادی۔
یہ اپنی نوعیت کی منفرد قرارداد ہے جس میں کسی کارٹون پر پابندی عائد کرنے کا مطالبہ کیا گیا ہے۔ تحریک انصاف کے رکن ملک تیمور مسعود نے قرارداد پیش کرتے ہوئے کہا کہ پیمرا ڈورے مون جیسے فضول کارٹون بند کروائے یا ان کا وقت مقرر کرے۔ قرارداد کے متن میں کہا گیا ہے کہ اس کارٹون سے بچوں کی ذہنی و جسمانی صحت پر منفی اثرات مرتب ہو رہے ہیں۔ بچے اپنا زیادہ تر وقت تعلیم کے بجائے کارٹون پر ضائع کر رہے ہیں۔ لہٰذا پنجاب حکومت اس طرف فوری توجہ دے۔ قرارداد پر بحث کے لیے باقاعدہ وقت مانگا گیا ہے اور صوبائی حکومت سے مطالبہ کیا گیا ہے کہ وہ وفاق کو ان کارٹونز کی بندش کے لیے سفارشات پیش کرے۔ اس مطالبہ کے ساتھ ہی ٹوئٹر پر لوگوں نے مختلف تاثرات کا اظہار شروع کردیا۔
واضح رہے کہ ڈورے مون جاپانی کارٹون سیریز ہے جسے ہندی زبان میں ڈب کر کے مختلف پاکستانی چینلز پر پیش کیا جاتا ہے۔ ڈورے مون کارٹون میں دکھائے جانے والے مختلف کردار نوبیتا، جیان، سوزوکا، سنیو وغیرہ بچوں کے پسندیدہ کردار ہیں۔
یمز ٹی وی (سائنس ) چین کی اکیڈمی آف سائنس نے چاندکی ہائی ریزولوشن تصویریں جاری کر دیں۔ چین نے تحقیقی مقاصد کیلئے راکٹ چینج تھری چاند کے مدار میں بھیج رکھا ہے۔ چین کی اکیڈمی آف سائنس کی جاری کردہ تصویروں میں چاند کی سطح کو نہایت واضح دکھایا گیا ہے۔ ان نایاب تصویروں میں چاند کی سطح کا اصلی رنگ نمایاں دکھائی دے رہا ہے۔ خیال رہے کہ چین نے چاند پر تحقیقی مقاصد کیلئے اپنی گاڑی یوٹو روور بھی چھوڑ رکھی ہے