سابق وفاقی وزیر اسد عمر کافی عرصے سے سیاسی طور پر خاموش زندگی گزار رہے ہیں اور ان کے حوالے سے کئی خبریں گشت کر رہی ہیں۔
سابق وفاقی وزیر اسد عمر نے جنہوں نے گزشتہ سال پی ٹی آئی سے راہیں جدا کرنے کے ساتھ کرنے کے ساتھ سیاست بھی چھوڑنے کا اعلان کیا تھا جس کے بعد سے وہ سیاست سے دور زندگی گزار رہے ہیں۔ تاہم ان کے بارے میں افواہیں گردش کرتی رہتی ہیں۔
اے آر وائی نیوز کے مطابق اسد عمر 9 مئی واقعات کیس میں ضمانت کے لیے لاہور میں اے ٹی سی میں پیش ہوئے۔ اس موقع پر میڈیا سے گفتگو کرتے ہوئے انہوں نے شکوہ کیا کہ ان کے بارے میں غلط خبریں چلائی جا رہی ہیں۔
اسد عمر نے کہا کہ کہا جا رہا ہے کہ میری صدر آصف زرداری سے ملاقات ہوئی ہے اور میں نے پیپلز پارٹی کو جوائن کر لیا ہے۔
سابق پی ٹی آئی رہنما نے کہا کہ اس بات میں کوئی صداقت نہیں ہے اور میں دوسری پارٹی میں جانے کا سوچ بھی نہیں سکتا۔
فواد چوہدری کے حالیہ کچھ عرصے میں سیاست میں دوبارہ انٹری پر ان کا کہنا تھا کہ فواد چوہدری بہت گولہ باری کر رہے ہیں۔ انہیں یہی کہوں گا کہ وہ ہاتھ ہلکا رکھیں۔
دریں اثنا اے ٹی سی لاہور نے 9 مئی واقعات کیسز میں اسد عمر کی عبوری ضمانت میں 19 نومبر تک توسیع کر دی اور سماعت ملتوی کرتے ہوئے اگلی سماعت پر ڈی ایس پی لیگل کو ذاتی حیثیت میں عدالت طلب کر لیا۔
دوران سماعت عدالت نے استفسار کیا کہ کیا اسد عمر شامل تفتیش ہوئے ہیں۔ اس پر اسد عمر کے وکیل نے بتایا کہ ان کے موکل شامل تفتیش ہوئے ہیں جب کہ پولیس افسر نے عدالت کو آگاہ کیا کہ تینوں مقدمات میں تفتیشی افسر عدالت میں موجود نہیں ہیں۔
اسد عمر کے وکلا نے کہا کہ ان کے موکل جے آئی ٹی میں پیش ہوئے ہیں جس کی ویڈیو موجود تھے تاہم پولیس افسر کا اعتراض تھا کہ اسد عمر شامل تفتیش نہیں ہوئے۔
وکیل نے بتایا کہ 14 ماہ سے ضمانت کی درخواست کی سماعت ہو رہی ہے اور ان کے موکل اسد عمر تین بار پیش ہوئے ہیں۔
کراچی: نجی اسکولوں میں بچوں کی داخلہ اور ماہانہ فیس کے علاوہ دیگر اجافی فیسیں ادا کرنے والے پریشان والدین کیلیے اہم خبر آگئی۔
ڈائریکٹوریٹ پرائیویٹ انسٹیٹیوشن نے نجی اسکولوں کیلیے ایک نوٹیفکیشن جاری کیا ہے جس کے مطابق داخلہ اور ماہانہ فیس کے علاوہ تمام اضافی فیسیں غیر قانونی تصور کی جائیں گی۔
نرسری کی داخلہ فیس 55 ہزار 600 روپے، نئی بحث چھڑ گئی
نوٹیفکیشن کے مطابق کوئی بھی پرائیویٹ اسکول اضافی فیس لے تو سندھ حکومت سے رابطہ کیا جائے، اضافی فیسیں وصول کرنے والے پرائیوٹ اسکولوں کے خلاف کارروائی ہوگی، والدین کو اسکول کے مونوگرام والی کاپیاں خریدنے پر مجبور کیا جاتا ہے۔
حماس کے عہدیدار کا کہنا ہے کہ گروپ جنگ بندی کے معاہدے پر بات چیت کے لیے تیار ہے۔
سینیئر عہدیدار سامی ابو زہری نے کہا کہ گروپ ایک معاہدے پر بات چیت کے لیے تیار ہے جس سے غزہ میں جنگ کے خاتمے اور اسرائیلی فوج کے مکمل انخلا کو یقینی بنایا جائے۔
انہوں نے کہا کہ ہم نے ثالثوں کی جانب سے نئی تجاویز پر بات کرنے کی درخواست کا جواب دیا ہے۔
ان کا کہنا تھا کہ گروپ غزہ کی پٹی پر جارحیت کو ختم کرنے والی کسی بھی تجویز کے لیے تیار ہے، گروپ کسی ایسے معاہدے کے لیے بھی تیار ہے جو فلسطینی عوام کے مصائب کا خاتمہ کرے اور مستقل جنگ بندی کی طرف لے جائے۔
عہدیدار نے کہا کہ اسرائیلی افواج نے جان بوجھ کر غزہ میں طبی انفراسٹرکچر اور فلسطینی شہری دفاع کے وسائل کو تباہ کیا فلسطینی قوم کے رہنماؤں اور مختلف جماعتوں کی جانب سے مذمتی بیانات اب قابل قبول نہیں ہیں۔
حماس نے اسرائیل کے ساتھ تعلقات کو معمول پر لانے والے ممالک سے فوری طور پر اپنے دوطرفہ تعلقات منقطع کرنے کا مطالبہ کیا ہے۔
مقبوضہ کشمیر میں بھارتی فوج نے اپنی بربریت جاری رکھی ہوئی ہے، بے لگام بھارتی فوجیوں نے جموں میں تین کشمیری نوجوانوں کو گولیاں مار کر موت کے گھاٹ اتار دیا۔
کشمیر میڈیا سروس کی رپورٹ کے مطابق مذکورہ جوانوں کو ضلع جموں کے علاقے اکھنور میں محاصرے اور تلاشی کی کارروائی کے دوران شہید کیا گیا۔
جموں کے اکھنور سیکٹر میں آپریشن کے بعد دوسرے دن بھی سرچ آپریشن جاری رہا، اس سے قبل اسی علاقے میں بھارتی فوج کی ایک گاڑی پر بھی حملہ ہوا تھا۔
بھارتی فوجیوں نے کارروائی کرکے کپواڑہ میں ایک نوجوان گرفتار کرلیا، مذکورہ نوجوان کو علاقے کے محاصرے اور تلاشی کے دوران گرفتار کیا گیا۔
کے ایم ایس کی رپورٹ کے مطابق بے گناہ کشمیریوں کو گرفتار کرنے کے لئے مقبوضہ کشمیر میں اس طرح کی کارروائیاں روز کا معمول بن گئی ہیں۔ 5اگست 2019 سے لے کر اب تک 25 ہزار سے زائد کشمیریوں کو گرفتار کیا جا چکا ہے۔
کشمیر میڈیا سروس کی رپورٹ کے مطابق بھارتی حکومت کی آر ایس ایس پر مبنی پالیسیاں علاقائی ہم آہنگی کے لیے ایک اہم خطرہ ہیں۔
گزشتہ کئی دہائیوں سے بھارت تنازعہ کشمیر کے پُرامن حل میں رکاوٹیں ڈال رہا ہے، جنوبی ایشیا بھارتی محاذ آرائی کی وجہ سے عدم استحکام کا شکار ہے۔
جموں و کشمیر پر بھارت کا وحشیانہ قبضہ جنوبی ایشیا میں امن کی راہ میں رکاوٹ ہے، جنوبی ایشیاء میں امن، عوام کی خواہشات کے مطابق مسئلہ کشمیر کے حل سے مشروط ہے۔
چترال میں پہلی بار بونی انوائرمنٹ اکیڈمی کی طرف سے "موسمِ خزان بائی سائیکل ریلی” کا کامیاب انعقاد کیا گیا۔اپر چترال کے علاقے لاسپور سے سرغوز تک اس 12 کلومیٹر ٹریل پر ہونے والی بائی سائیکل ریلی میں 12 بچوں اور بچیوں نے شرکت کی۔اس ریلی کا مقصد نوجوانوں میں ماحولیات کی اہمیت اجاگر کرنا اور صحت مند اور ماحول دوست سرگرمیوں کو فروغ دینا تھا۔اس ریلی کے انعقاد میں بونی انوائرمنٹ اکیڈمی کو کینیڈین سفارت خانے کا تعاؤن حاصل تھا۔
چترال میں پہلی بار بونی انوائرمنٹ اکیڈمی کی طرف سے "موسمِ خزان بائی سائیکل ریلی” کا کامیاب انعقاد کیا گیا۔اپر چترال کے علاقے لاسپور سے سرغوز تک اس 12 کلومیٹر ٹریل پر ہونے والی بائی سائیکل ریلی میں 12 بچوں اور بچیوں نے شرکت کی۔اس ریلی کا مقصد نوجوانوں میں ماحولیات کی اہمیت اجاگر کرنا اور صحت مند اور ماحول دوست سرگرمیوں کو فروغ دینا تھا۔اس ریلی کے انعقاد میں بونی انوائرمنٹ اکیڈمی کو کینیڈین سفارت خانے کا تعاؤن حاصل تھا۔
آسٹریلیا کے معروف وکٹ کیپر بلے باز نے میتھو ویڈ نے بین الاقوامی کرکٹ سے ریٹائرمنٹ کا اعلان کر دیا ہے۔
کرکٹ ویب سائٹ کرک انفو کے مطابق آسٹریلیا کے وکٹ کیپر میتھیو ویڈ نے ریڈ بال کے بعد اب وائٹ بال انٹرنیشنل کرکٹ سے ریٹائرمنٹ کا اعلان کر دیا ہے۔ اس کے ساتھ ہی ان کا 13 سالہ بین الاقوامی کرکٹ کیریئر اپنے اختتام کو پہنچ گیا ہے۔
میتھیو ویڈ نے آسٹریلیا کے لیے 36 ٹیسٹ، 97 ون ڈے اور 92 ٹی ٹوئنٹی انٹرنیشنل میچز کھیلے۔ ان کی پاکستان کے خلاف 2021 کے ٹی 20 ورلڈ کپ کے سیمی فائنل میں 17 گیندوں پر 41 رنز کی نا قابل شکست میچ وننگ اننگ یادگار کارکردگی ہے۔
واضح رہے کہ اس سے قبل میتھیو ویڈ نے رواں سال مارچ میں ٹیسٹ کرکٹ سے ریٹائرمنٹ کا اعلان کیا تھا۔
میتھیو ویڈ نے انٹرنیشنل کرکٹ سے ریٹائرمنٹ کے بعد کوچنگ کا سفر شروع کر دیا ہے اور انہیں کرکٹ آسٹریلیا نے آئندہ ماہ پاکستان کے خلاف ون ڈے اور ٹی ٹوئنٹی انٹرنیشنل سیریز کے لیے کوچنگ اسٹاف میں شامل کر لیا ہے۔
یاد رہے کہ پی ایس ایل 8 میں آسٹریلوی وکٹ کیپر بیٹر میتھیو ویڈ نے کراچی کنگز کی نمائندگی کی تھی۔
آرٹس کونسل کراچی میں جاری 38 روزہ ورلڈ کلچر فیسٹیول کے 33 ویں روز شرکا نے قطاروں میں لگ کر ٹکٹ خریدے اور پھر تھیٹر پلے ’بوئنگ بوئنگ‘ دیکھ کر ہنسی سے لوٹ پوٹ ہوئے۔
تھیٹر پلے میں گڈو کی لچھے دار گفتگو، نرگس، نجمہ اور زرینہ کو بے وقوف بناتا چرب زبان کنوارا اور چالباز جمیل، جس نے تینوں لڑکیوں کو محبت کے جال میں پھنسایا، جمی کا دوست بشیر پنڈی سے آیا اور گھر کے تماشے دیکھ کر حیران ہوا، پھر بشیر، نجمہ سے دل ہار بیٹھا، کھیل کے آخر میں جمیل کی چالبازی سے بھی پردہ اٹھتا ہے۔
آرٹس کونسل میں جاری عالمی ثقافتی میلے کے آخری ہفتے بھی خوب چہل پہل دکھائی دیتی ہے جہاں ملکی اور بین الاقوامی فنکار حاضرین کو محظوظ کررہے ہیں تو وہیں پولیس کے جوان بھی شرکا کے تحفظ کی ضمانت بنے ہوئے ہیں۔
عالمی ثقافتی میلے میں ورلڈ میوزیکل کانسرٹ، ڈانس پرفارمنس اور تھیٹرکی رنگارنگی اور خوشیوں کے ساتھ تحفظ کا احساس بھی ہوتا ہے کیوں کہ محافظ اپنا فرض بخوبی نبھارہے ہیں، خواتین کی چیکنک کیلئے بھی اسٹاف تعینات ہے۔
فیسٹیول کے 34 ویں روز سوئیٹزرلینڈ کا تھیٹر گروپ کھیل ’شیم آن یو‘ میں اپنی اداکاری سے پاکستانیوں کے دل جیتے گا۔
ایرانی تیل کی ترسیل پر پابندی کے خلاف بلوچستان اسمبلی میں احتجاج کیا گیا، اپوزیشن ارکان اسمبلی نے پابندی ہٹانے کا مطالبہ کردیا۔
ایرانی تیل کی ترسیل پر پابندی کے خلاف بلوچستان اسمبلی کے اپوزیشن ارکان نے پلے کارڈ اٹھار کر اسمبلی میں کھڑے ہوکر احتجاج کیا، صوبائی اسمبلی کے اندر اور باہر الگ الگ احتجاج کیا گیا۔
اپوزیشن ارکان نے کہا کہ ایرانی تیل کے کاروبار سے 50 لاکھ لوگ منسلک ہیں، افسوس ہے کہ اس کاروبار کو اسمگلنگ کا نام دیا جارہا ہے۔
اس موقع پر اپوزیشن ارکان واک آؤٹ کرکے اسمبلی کے باہر احتجاج میں شامل ہوگئے، مکران اور رخشاں ڈویژن کے مکینوں نے بارڈر ٹریڈ کھولنے کا مطالبہ کیا۔
اسپیکر اور صوبائی وزیر فشریز کی یقین دہانی پر ایرانی تیل کی ترسیل پر پابندی کے خلاف احتجاج کرنے والوں نے احتجاج ختم کیا۔
واشنگٹن : بانی پی ٹی آئی کی رہائی کیلئے اراکین کانگریس کا خط صدر بائیڈن کو مل گیا، امریکی ترجمان کا کہنا ہے کہ خط کا مناسب وقت پر جواب دیں گے۔
تفصیلات کے مطابق ترجمان امریکی محکمہ خارجہ میتھیو ملر کی پریس بریفنگ کے دوران امریکی کانگریس اراکین کے صدر بائیڈن کو خط سے متعلق سوال کیا گیا۔
جس پر میتھیو ملر نے کانگریس اراکین کا خط ملنے کی تصدیق کردی اور کہا بانی پی ٹی آئی سے متعلق اراکین کانگریس کا خط ہمیں موصول ہوا ہے تاہم اراکین کانگریس کو مناسب وقت پر جواب دیں گے۔
ترجمان امریکی محکمہ خارجہ کا مزید کہنا تھا کہ امریکا پاکستان میں جمہوریت کو پھلتے پھولتے دیکھنا چاہتا ہے۔
صحافی نے امریکا کی ڈپٹی اسسٹنٹ سیکرٹری کی اسلام آباد میں پاکستانی حکومت کےنمائندے سے ملاقات سے متعلق سوال پوچھتے ہوئے کہا کہ ملاقات کے بعد بانی پی ٹی آئی کی اہلیہ اور بہنوں کو رہا کر دیاگیا؟
جس پر ترجمان نے کہا کہ میں پاکستان میں بنیادی آزادیوں کواستعمال کرنےکے بنیادی حق پربات ہوئی۔
صحافی نے سوال کیا کیا امریکا نے بانی پی ٹی آئی کی اہلیہ اور بہنوں کی رہائی میں کوئی کردار ادا کیا ہے؟ تو ترجمان امریکی محکمہ خارجہ نے جواب دینے سے گریز کیا اور کہا میں اس پر کوئی بات نہیں کروں گا۔