ایمز ٹی وی (فارن ڈیسک)
نائجیریا کے شمال مشرقی شہر چیبوک میں
بوکوحرام کے شدت پسندوں نے قبضہ کرلیا- اسی شہر سے اپریل میںا سکول کی 200 سے زائد طالبات کو اغوا کیا تھا۔
ریاست بورنو کے شہر چیبوک سے فرار ہونے والے شہریوں نے بتایا کہ جمعرات کی شام کو شدت پسندوں نے حملے کر کے شہر پر قبضہ کر لیا۔
ابوبکر شیکاؤ کی سربراہی میں سرگرم تنظیم بوکوحرام اس سے پہلے چیبوک کے اطراف میں دیہاتوں پر متعدد بار حملے کی چکی ہے۔
ایک سینیٹر نے بتایا کہ چیبوک میں عیسائی آبادی اکثریت میں ہے اور یہاں تعینات سکیورٹی فورسز کے اہلکار بوکوحرام کے حملے کے وقت فرار ہو گئے۔
سکیورٹی فورسز ملک کے شمالی مشرقی علاقوں کا دفاع کرنے میں بری طرح سے ناکام ہوئی ہیں
چیبوک شہر کا دفاع کرنے والے موسیٰ علی کے مطابق شدت پسندوں نے دو گروپوں میں شہر پر حملہ کیا اور ہم ان کا مقابلہ نہیں کر سکے کیونکہ وہ تعداد میں بہت زیادہ تھے۔
’تمام سکیورٹی اہلکار اور فوجی شدت پسندوں پر ایک بھی گولی چلائے بغیر ہمیں شہر میں تہنا چھوڑ کر بھاگ گئے۔اس کے بعد ہمارے پاس اسلحے کا جتنا بھی ذخیرہ تھا وہ ختم ہو گیا اور ہمارے پاس شہر کا دفاع کرنے کا کوئی راستہ نہیں بچا تھا۔‘
نائجیریا شمال مشرقی علاقوں کے شہروں اور دیہاتوں کا دفاع کرنے کا ناکام رہی ہے اور اس وجہ سے بوکوحرام اپنے زیر قبضہ علاقے میں تسلسل سے اضافہ کر رہے ہیں۔‘
انھوں نے کہا کہ نائجیریا میں ہر آنے والے ہفتے میں بحران شدت اختیار کرتا جا رہا ہے تاہم سیاسی قیادت کی زیادہ توجہ آئندہ سال کے انتخابات پر مرکوز ہے۔
بوکوحرام نے حالیہ ہفتوں میں نائجیریا کے شمال مشرقی علاقوں میں کئی قصبوں اور دیہات پر قبضہ کیا ہے۔
بوکو حرام کے خلاف بین الاقوامی سطح پر اس وقت آواز اٹھائی گئی تھی جب انھوں نے چیبوک شہر سے 14 اپریل کو 200 سے زیادہ طالبات کو اغوا کر لیا تھا جبکہ امریکہ، چین، برطانیہ اور فرانس ان لڑکیوں کی بازیابی میں نائجیریا کی حکومت کی مدد کر رہے ہیں۔
ایمز ٹی وی (نیوز ڈیسک)
پاکستان اور افغانستان کے درمیان تعلقات کو فروغ دینے، سکیورٹی، تجارت اور معیشت کے حوالے سے آج اسلام آباد میں وفود کی سطح پر بات چیت ہوگی۔
دونوں ممالک کے درمیان بات چیت میں پاکستانی وفد کی سربراہی وزیرِاعظم نواز شریف جبکہ افغان وفد کی سربراہی صدر اشرف غنی کریں گے۔
طرفین دو طرفہ تعلقات کا جائزہ لیں گے اور مختلف شعبوں میں تعلقات کو مزید فروغ دینے کے لیے بات چیت کریں گے۔
افغان صدر اشرف غنی نے آج اسلام آباد میں مختلف سیاسی جماعتوں کے رہنماؤں سے ملاقات میں باہمی دلچسپی کے امور اور دو طرفہ تعلقات پر تبادلہ خیال ہے۔
افغان صدر سے پاکستان پیپلز پارٹی کی شیری رحمٰن، اعتزاز احسن، فرحت اللہ بابر، فیصل کریم کنڈی، نیشنل عوامی پارٹی کےسربراہ اسفندیار والی خان اور افرا سیاب خٹک، پختونخوا نے ملاقات کی۔
افغان صدر اشرف غنی سے قومی وطن پارٹی کے سربراہ آفتاب احمد خان شیرپاؤ نے بھی ملاقات کی۔
اشرف غنی پاکستان کے ساتھ تعلقات کو از سرِ نو تشکیل دینا چاہتے ہیں جو کہ سابق افغان صدر حامد کرزئی نے نہیں کیا۔ حامد کرزئی اکثر پاکستان پر الزام عائد کرتے تھے کہ پاکستان طالبان کو روکنے کے لیے موثر اقدامات نہیں کر رہا۔
افغان صدر اشرف غنی نے جمعے کو پاکستان بری فوج کے ہیڈکوارٹر کے دورے کے موقع پر کہا تھا کہ کابل اسلام آباد کے ساتھ سکیورٹی اور دفاعی تعلقات کو فروغ دینا چاہتا ہے اور سرحدی انتظام میں تعاون چاہتا ہے۔
پاکستانی فوج کے شعبہ تعلقات عامہ آئی ایس پی آر کے مطابق افغانستان کے وفد کو پاک افغان سرحد پر سکیورٹی کی صورتحال کے بارے میں تفصیلی بریفنگ دی گئی۔
افغان صدر اشرف غنی کا دورہ پاکستان کی اہمیت جی ایچ کیو میں دیے گئے استقبالیے سے واضح ہوتی ہے۔ اشرف غنی کو نہ صرف جی ایچ کیو کے دورے کی دعوت دی گئی بلکہ انھیں گارڈ آف آنر دیا گیا اور انھوں نے یادگارِ شہدا پر پھولوں کی چادر چڑھائی۔
ایمز ٹی وی (سیالکوٹ) بھارت اپنی ازلی جارحیت پر قائم ہے آج صبح بھی بھارتی فو ج کی جانب سے چارواہ سکیٹر میں ایک بار پھر بلا اشتعال فائرنگ کی گئی ۔ بی ایس ایف نے ماٹر گولے اور مشین گنیں استعمال کرتے ہوئے دھمالہ گاﺅں اور تلسی پور گاﺅں کو نشانہ بنانے کی کوشش کی ۔جس سے کوئی جانی نقصان تو نہیں ہوا تاہم گولاباری اور فائرنگ سے لوگوں کی املاک اور مویشیوں کو نقصان پہنچا ہے،پاکستانی فوج نے بھی بھارتی فوج کو منہ توڑ جوابی کارروائی کرتے ہوئے اس جارحیت کا بھرپور جواب دیا ،جس کے بعد بھارتی بندوقوں پر خاموشی طاری ہو گئی ۔
ایمز ٹی وی( نیوز ڈیسک)
پاکستان کے صوبہ بلوچستان کے علاقے بولان میں فرنٹیئر کور نے ایک سرچ آپریشن میں متعدد شدت پسندوں کو ہلاک کرنے کا دعویٰ کیا ہے۔
دوسری جانب کوئٹہ شہر اور پشین میں مسلح افراد کے حملوں میں پولیس اور لیویز فورس کے دو اہلکار ہلاک ہو گئے۔
فرنٹیئر کور بلوچستان کے ایک بیان کے مطابق جمعے کو کالعدم یونائیٹڈ بلوچ آرمی سمیت دو کالعدم عسکریت پسند تنظیموں کے کیمپوں کے خلاف سنی، شوران اور امپادہ کے علاقوں میں ہیلی کاپٹرز کی مدد سے آپریشن کیا گیا۔
انھوں نےکہا کہ ان کمیپوں میں موجود لوگ ریل گاڑیوں پر حملوں، گیس پائپ لائنوں کواُڑانے کے علاوہ جرائم کے دیگر واقعات میں ملوث تھے جبکہ وہ نیشنل ہائی وے پر پبلک ٹرانسپورٹ کو نشانہ بنانے کی بھی منصوبہ بندی کر رہے تھے۔
کالعدم یونائیٹڈ بلوچ آرمی کی جانب سے جاری ہونے والے بیان میں الزام عائد کیا گیا ہے کہ ایف سی کے آپریشن میں عام شہریوں کو ہدف بنایا گیا تاہم اس الزام کی آزاد ذرائع سے تصدیق نہیں ہو سکی۔
پشین میں لیویز فورس کے اہلکار نے بتایا کہ اس علاقے میں فورس کی ایک چیک پوسٹ قائم تھی جس پر مسلح افراد کے حملے میں فورس کا ایک اہلکار ہلاک اور ایک زخمی ہو گیا۔
اہلکار کے مطابق گرفتار کیے جانے والے شخص کے قبضے سے ایک پسٹل، ایک واکی ٹاکی سیٹ اور ایک موٹر سائیکل برآمد ہوا ہے۔
(ایمز ٹی وی) قومی ٹیم کے سلیکٹرز نے نیوزی لینڈ کے خلاف پہلے ٹیسٹ کی فاتح ٹیم پر بھرپور اعتماد کرتے ہوئے آئندہ 2 ٹیسٹ میچز کے لئے بھی ٹیم برقرار رکھنے کا اعلان کیا ہے۔
نیوزی لینڈ کے خلاف 17 نومبر سے شروع ہونے والے دوسرے اور تیسرے ٹیسٹ کے لئے فاتح اسکواڈ برقرار رکھا گیا ہے تاہم زخمی اوپننگ بلے بازاحمد شہزاد کی جگہ توفیق عمر کو گیارہ رکنی اسکواڈ کا حصہ بنایا گیا ہے۔
اسکواڈ میں شامل دیگر کھلاڑیوں میں کپتان مصباح الحق ، یونس خان،محمد حفیظ، اظہر علی، اسد شفیق، یاسر شاہ، راحت علی،ذوالفقار بابر، عمران خان، حارث سہیل، شان مسعود، احسان عادل اور محمد طلحہ شامل ہیں۔
واضح رہے کہ نیوزی لینڈ کے خلاف پہلے ٹیسٹ میں شاندار بیٹنگ کرنے والے اوپننگ بلے باز احمد شہزاد سر پر گیند لگنے کے باعث زخمی ہوگئے تھے جس کے بعد وہ وطن واپس آگئے جبکہ پہلے ٹیسٹ میں پاکستان نے مہمان نیوزی لینڈ کو 249 رنز سے شکست دی تھی۔
ایمز ٹی وی (کراچی) ریڈیو پاکستان کی ڈائریکٹرجنرل ثمینہ پرویز نے کہا ہے کہ جلد ہی دو نئے شارٹ ویوز ٹرانسمیٹر لگائے جا رہے ہیں جن کی بدولت ریڈیو کی نشریات یورپ میں بھی سنی جا سکیں گی۔
جمعرا ت کو یہا ں نئی منتخب ہونے والی سی بی اے یونین یو ایس او کے زیر اہتمام ایک تقریب سے خطاب کرتے ہوئے انہوں نے کہا کہ حال ہی میں ایک شارٹ ویوز ٹرانسمیٹر کو بحال کیا گیا ہے جس کے بعد ہماری نشریات مقبوضہ وادی میں سنی جا رہی ہیں ۔
ڈائریکٹر جنرل نے ریڈیو کے عملے کے انتھک کاوشوں کو سراہا کہ انہوں نے 2005 کے زلزلے میں مظفرآباد میں تباہ ہونے والی ریڈیو بلڈنگ کودوبارہ تعمیر کیا ۔ انہوں نے مشکل حالات کے باوجود تربت سے نشریات دوبارہ شروع کیں۔
ادارے کے عملے نے انتہائی پیشہ وارانہ صلاحیت کا مظاہرہ کرتے ہوئے حیدرآباد میں ایک نیا ٹرانسمیٹر لگایا جس سے ریڈیو پاکستان کی نشریات اب دوبئی تک سنی جا سکتی ہیں۔
ڈائریکٹر جنرل نے کہا کہ قیمتی آواز خزانے کی ڈیجیٹائزیشن پر بھی ریڈیو کے اپنے لوگ کام کر رہے ہیں جس سے اس خزانے کو اطلاعات کے جدید ذرائع پر بھی سنا جا سکے گا۔
انہوں نے شعبہ سیلز کی بھی تعریف کی جس نے ادارے کی آمدن میں گزشتہ سال کے مقابلے میں پندرہ کروڑ روپے کا اضافہ کیا۔
یونین کے سیکرٹری جنرل محمد اعجاز نے اس موقع پر ادارے کی بہتری کے لئے انتظامیہ کو عملے کے بھرپور تعاون کی یقین دہانی کروائی۔
(ایمز ٹی وی) چینی صدر ژی جن پنگ اور امریکی صدر براک اوبامہ نے دونوں ملکوں کے درمیان فوجی تعلقات مستحکم کرنے پر اتفاق کیا ہے۔ بیجنگ میں ایک مشترکہ نیوز کانفرنس سے خطاب کرتے ہوئے براک اوبامہ نے کہا کہ دونوں رہنماؤں نے باہمی تجارت بڑھانے پر بھی اتفاق کیا ہے۔
بیجنگ میں چینی صدر کے ساتھ مشترکہ نیوز کانفرنس سے خطاب کرتے ہوئے براک اوبامہ نے کہا کہ دونوں رہنماؤں نے باہمی تجارت بڑھانے پر بھی اتفاق کیا ہے۔
انہوں نے چین کی جانب سے دہشت گردی اور دولت اسلامیہ کے خلاف کئے گئے اقدامات کو سراہا۔ انہوں نے کہا کہ امریکہ تبت کو چین کا اٹوٹ انگ تصور کرتا ہے۔دونوں ملکوں نے زہریلی گیسوں کے اخراج کو کم کرنے کے بارے میں ایک معاہدے پر بھی دستخط کئے۔
ایمز ٹی وی (راولپنڈی) افغانستان کے صدر اشرف غنی جنرل ہیڈ کوارٹر راولپنڈی دورے پرپہنچ گئے جہاں آرمی چیف جنرل راحیل شریف نے ان کا استقبال کیا جبکہ جی ایچ کیو میں آرمی چیف اور افغان صدر کے درمیان ملاقات ہوئی۔
افغان صدر اشرف غنی کی جی ایچ کیو آمد پرپاک فوج کے چاق و چوبند دستے نے انہیں سلامی پیش کی اور گارڈ آف آنر پیش کیا گیا۔ اس موقع پر افغان صدر نے آرمی چیف کے ہمراہ یادگارشہدا پر پھولوں کی چادر چڑھائی، جبکہ دونوں ممالک کے قومی ترانے بھی بجائے گئے۔
ایمز ٹی وی:(ملتان) سابق وزیراعظم یوسف رضا گیلانی نےکہا کہ حکومت نے عمران خان کو گرفتار کرنے میں دیر کردی ہے اگر اب انہیں گرفتار کیا گیا تو وہ سیاسی انتقام تصور کیا جائے گا اور حکومت کو ایسا ہی کرنا تھا تو بہت پہلے کرنا چاہئے تھا۔ انہوں نے کہا کہ اگر الیکشن وقت سے پہلے ہوئے تو ملک کے لیے اچھا نہیں ہوگا جب کہ شیخ رشید کی بات کو کون سنتا ہے، عوام پر امن ہیں اور رہیں گے، ملک میں نوجوانوں کا اصل نمائندہ بلاول بھٹو زرداری ہے۔
ایمزٹی وی:(اسلام آباد) انسداد دہشتگردی عدالت کے جج جسٹس کوثرعباس زیدی نے ایس ایس پی آپریشن اسلام آباد عصمت اللہ جونیجو کو دھرنے کے دوران زخمی کرنے کے مقدمے کی سماعت کی۔ اس موقع پر مقدمے میں نامزد چیئرمین تحریک انصاف عمران خان اور طاہرالقادری کی عدم پیشی پر عدالت نے برہمی کا اظہار کیا اور انہیں اشتہاری قرار دے دیا
اور آئندہ سماعت پر انہیں گرفتار کرکے پیش کرنے کا حکم بھی دیا۔
راولپنڈی کی انسداد دہشتگردی عدالت موٹروے ہنگامہ آرائی کیس میں عوامی تحریک کے سربراہ ڈاکٹر طاہرالقادری کو پہلے ہی اشتہاری قرار دے چکی ہے جبکہ عمران خان کو کسی بھی مقدمے میں پہلی باراشتہاری قرار دیا گیا ہے۔