ایمز ٹی وی(لاہور) کی انسداد دہشت گردی عدالت میں پیشی کے بعد میڈیا سے بات کرتے ہوئے گلو بٹ کا کہنا تھا کہ وہ گاڑیوں کے شیشے توڑنے والے کوئی انوکھے شخص نہیں صرف 2 ہی گاڑیوں کے شیشے توڑے لیکن پولیس عدالت میں کئی گاڑیوں کا الزام لگا رہی ہے جب کہ میڈیا انہیں دہشت گرد بنا کر پیش کررہا ہے۔ انہوں نے کہا کہ عوام مجھ سے محبت کرتی ہے اور میرے ساتھ تصویریں بنوانا پسند کرتے ہیں جب کہ وہ کوئی دہشت گرد نہیں بلکہ ایک محبت وطن پاکستانی ہیں جس کی مثال یہ ہے کہ 60 سے 70 ہزارافراد ان کے ساتھ تصویریں بنوا چکے ہیں۔

گلو بٹ نے جذباتی انداز میں صحافیوں سے سوال کیا کہ ملک بھر میں دھماکے ہورہے ہیں اور حال ہی میں مولانا فضل الرحمان کی گاڑی کو نشانہ بنایا کیا وہ بھی گلو بٹ نے کیا، گلو کریسی بدنامی کا داغ ہے اور وہ پیار کرنے والے شخص ہیں لہذا انہیں بدنام نہ کیا جائے جبکہ گاڑیاں توڑنے کا معاملہ عدالت میں ہے اگر ثبوت آئیں گے تو فیصلہ ہوجائے گا۔

ایمز ٹی وی (کراچی) کراچی میں علیٰ الصبح فائرنگ سے ایک رینجرز اہلکار شہید اور دوسرازخمی ہوگیاتھا جس پر لیاری کے علاقے میں سرچ آپریشن کیا گیا، اس دوران نوالین میں گینگ وارکے عزیربلوچ کے گھرکے قریب رینجرزکے اہلکاروں پردوبارہ فائرنگ شروع ہوگئی۔ جوابی کارروائی کے دوران دو افراد مارے گئے جن میں سے ایک کی شناخت سرور بلوچ کے نام سے کی گئی ہے جو عزیزبلوچ کے قریبی ساتھی تصورکیا جاتا ہے۔ حکام کے مطابق ملزموں کے قبضے سے کلاشنکوف، ہینڈگرنیڈ اور سینکڑوں گولیاں بھی برآمد کرلی گئیں ہیں۔

ایمز ٹی وی(فارن ڈیسک)تیونس میں سیکیولر پارٹی ندا تونس‘ نے ملک میں سنہ 2011 میں آنے والے انقلاب کے بعد نئے ہونے والے پارلیمانی انتخابات جیت لیے ہیں -نتائج کے مطابق ندا تونس نے 217 سیٹوں میں سے 85 پر کامیابی حاصل کی۔پارلیمانی انتخابات میں حركت النہضہ اور ندا تونس کے علاوہ سیکیولر جماعتوں، کانگریس فار ریپبلک اور سیکیولر ڈیموکریٹک فورم اور سابق صدر زین العابدین بن علی کی حکومت کے سابق اہلکاروں نے بھی حصہ لیا۔اس جماعت کی کارکردگی سے وسیع توقعات وابستہ ہیں۔تیونس کے تقربیاً 50 لاکھ شہریوں کا ووٹ کاسٹ کرنے کے لیے اندراج ہوا تھا۔خطے میں عرب سپرنگ میں مطلق العنان حکومتوں کے خلاف دوران بغاوت کے دوران سب سے پہلے انقلاب نیونس میں آیا جو سب سے کم پرتشدد تھا۔تیونس میں آنے والی اس تبدیلی نے دیکھتے ہی دیکھتے پورے خطے کو لپیٹ میں لے لیا اور مصر، لیبیا، یمن اور شام میں ایسی ہی تحریکوں نے جنم لیا۔ تاہم تیونس واحد ملک ہے جہاں عرب سپرنگ کے دوران آنے والی تبدیلی پائیدار ثابت ہوئی ہے۔

ایمز ٹی وی (پشاور) آرمی چیف جنرل راحیل شریف نے خیبر پی کے 2 کے دوران شہید ہونے والے 8 جوانوں کی نمازجنازہ میں شرکت کی۔ گزشتہ روز دہشت گردوں کے خلاف جاری آرمی آپریشن خیبر پی کے 2 کے دوران 8 فوجی جوان شہید ہو گئے تھے جن کی نماز جنازہ پشاور میں ادا کی گئی۔آرمی چیف جنرل راحیل شریف نے پشاور کا مختصر دورہ کیا جس میں انہوں نے شہید جوانوں کی نماز جنازہ ادا کی جبکہ آپریشن کے دوران زخمی ہونے والے جوانوں کی عیادت کے لیے سی ایم ایچ کا دورہ کیا اور ان جوانوں سے ملاقات بھی کی۔