ایمزٍ ٹی وی:(فارن ڈیسک) فسادات میں 56افراد زخمی ہوئے پولیس نے جھڑپوں میں ملوث 14افراد کوحراست میں لے لیا، نئی دہلی کے مشرقی علاقے تر ی لوک پوری میں ہندومسلم فسادات پھوٹنے کے 5روز بعد بھی کشیدگی ہے۔علاقے میں دکانیں بند ہیں جس کی وجہ سے کھانے پینے اور ضروریات زندگی کی اشیا کی قلت پیدا ہوگئی ہے۔
علاقے سے ایک پھر ہنگاموں کی خبریں آرہی ہیں تاہم پولیس نے افواہیں پھیلانے والوں کوخبر دار کیا ہے ۔منگل کو پولیس نے فسادات روکنے کے لیے رکاوٹیں کھڑی کردیں علاقے میں رہنے والے ہندو اور مسلمانوں سے اپیل کی گئی ہے کہ علاقے میں پھیلے ہوئے پتھر اور شیشے ہٹائیں انتہا پسند ہندوں نے اتوار اورپیر کی درمیانی رات بھی 2دکانیں جلادیں۔
ایمز ٹی وی (پشاور) پشاور میں پریس کانفرنس کرتے ہوئے ڈی جی آئی ایس پی آر میجر جنرل عاصم سلیم باجوہ نے بتایا کہ آپریشن ضرب عضب میں گیارہ سو سے زائد دہشتگرد ہلاک ہو چکے ہیں، 100 بہادر جوان جام شہادت نوش کر چکے ہیں۔ 132.5 ٹن بارود ، 12 ہزار سے زائد ہتھیار برآمد کیے جا چکے ہیں۔ انھوں نے بتایا کہ خیبر ون آپریشن میں 44 دہشتگرد ہلاک ہو چکے ہیں جس سے پشاور میں دہشتگردی میں واضح کمی آئی ہے۔ پشاور کے لوگ دہشت گردوں سے تنگ آچکے تھے، ہمیں اندازہ ہے کہ دہشتگرد اکٹھے ہو سکتے ہیں۔ آپریشن ضرب عضب کے مکمل ہونے کا ٹائم فریم نہیں دے سکتے، ٹی ٹی پی کی قیادت افغانستان میں بیٹھ کر آپریٹ کر رہی ہے۔ کنٹر اور نورستان میں فضل اللہ کے ساتھی بیٹھے ہیں۔ انھوں نے کہا کہ افغانستان نے فضل اللہ اور اس کے ساتھیوں کیخلاف کوئی کارروائی نہیں کی۔ افغانستان میں ہماری سیکیورٹی کے لیے بڑا خطرہ ہے، دہشت گردوں سے کوئی بات چیت نہیں ہو رہی ، فوج امن بحال ہونے پر واپس چلی جائے گی۔ سوات آپریشن کی کامیابی پر کسی کو شک نہیں ہونا چاہئے ۔ بھارت کی جانب سے سرحدی خلاف ورزی پرآپریشن ضرب عضب متاثر نہیں ہوا نہ ہی فوجی تعداد میں اتار چڑھائو آیا ہے۔ ایک سوال کے جواب میں انھوں نے بتایا کہ مسافر جہازوں پر فائرنگ کرنے والے گروہ گرفتار کیے ہیں، ملزمان نے فائرنگ کا اعتراف بھی کیا ہے۔خفیہ ایجنسیاں دہشتگردوں کے خلاف آپریشن میں اہم کردار ادا کر رہی ہیں۔ دہشتگردی کو پاکستان سے ختم کر کے دم لیں گے، پاکستانی سرزمین دہشتگردی کے لیے استعمال نہیں ہونے دیں گی ۔ جب تک آپریشن مکمل نہیں ہو جاتا ،علاقے کلیئر نہیں ہو سکتے۔
ایمز ٹی وی (کراچی) سابق صدر آصف علی زرداری بلاول بھٹو کی متنازعہ تقاریر کی وجہ سے سخت پریشان ہیں، بلاول بھٹو نے اپنی تقاریر میں بیک وقت (ن) لیگ، متحدہ قومی موومنٹ اور تحریک انصاف کو تنقید کا نشانہ بنایا جس کی وجہ سے پیپلزپارٹی اور متحدہ کے درمیان سندھ میں سخت کشیدگی ہے۔ آصف علی زرداری اپنے صاحبزادے اور پیپلزپارٹی کے چیئرمین بلاول بھٹو زرداری کے سامنے بے بس ہوگئے ہیں،پیپلزپارٹی کے کئی سینئر رہنماﺅں کے علاوہ بعض قریبی دوستوں نے اس صورتحال پر سابق صدر زرداری سے بات کی کہ وہ بلاول کو سمجھائیں، جس پر آصف زرداری نے کہا کہ آپ کو معلوم ہے کہ ”نوجوان اولاد کہاں سنتی ہے“ میں نے اسے بہت سمجھایا وہ میری ایک نہیں سنتا۔
ایمز ٹی وی (اسلام آباد) وزیراعظم ہاﺅس میں جماعت اسلامی کے وفدنے لیاقت بلوچ کی سربراہی میں وزیراعظم سے ملاقات کی، ملاقات میں ملک کی سیاسی صورتحال اور دھرنوں سے متعلق صورت حال پر غورکیا گیا، ملاقات میں پاکستان تحریک انصاف کےاراکین کےاستعفوں کامعاملہ بھی زیرغور آیا۔اس موقع پر لیاقت بلوچ کا کہنا تھا کہ پاکستان تحریک انصاف کے استعفے نہ منظور کیے جائیں کیوں کہ استعفوں کی منظوری سے ملک میں مزید سیاسی بحران سنگین ہوگا۔ واضح رہے کہ حکومت اسے اختلاف رائے اور وزیراعظم کے استعفی کے معاملے پر پاکستان تحریک انصاف کے اراکین نے 22 اگست کو استعفے جمع کروائے تھے
ایمز ٹی وی (کراچی) گزشتہ روز عائشہ منزل پر ہونے والے دھماکے میں جاں بحق ہونے والی 9 ماہ کی بچی بتول کی نماز جنازہ ادا کردی گئی ہے، بتول کی نماز جنازہ انچولی میں واقع امام بارگاہ شہداء کربلا میں ادا کی گئی، جس کے بعد جنازے میں شریک لوگوں نے شدید احتجاج کیا ، ان کا کہنا تھا کہ ہمیں پولیس اور رینجرز کی سیکیورٹی پر بلکل بھروسہ نہیں ہے، اور ہم اپنی حفاظت کرنا خود جانتے ہیں، واضح رہے کہ محرم شروع ہوتے ہی امام بارگاہوں کی قریب دہشتگردی کے واقعات میں اضافہ ہو گیا ہے، کل ہونے والے دھماکے میں1 بچی جاں بحق اور 6 لوگ زخمی ہوئےتھے۔
ایمز ٹی وی(انٹر ٹینمنٹ)اداکارندیم نے کہا کہ عید پر ریلیز ہونے والی فلموں کی کامیابی کے بعد ہم سب اس بات سے خوش ہیں کہ آنے والے وقت میں اچھی اور معیاری فلمیں بنتی رہیں گی اور ماضی کی طرح ایک بار پھر پاکستان کی فلمی صنعت عروج پر نظر آئے گی۔ انہوں نے کہا کہ اچھے موضوعات اوراچھی کہانی فلم کی کامیابی میں اہم کردار ادا کریں گی، سینئرز کو چاہیے کہ وہ نئے آنے والوں اور اچھا کام کرنے والوں کی حوصلہ افزائی کریں تاکہ بہتر سے بہتر کام ہوسکے
سپراسٹار کا کہنا تھا کہ جدید ٹکنالوجی وقت کی ضرورت ہے اور کوشش کی جانی چاہیے کہ ہم جدید سہولیات سے فائدہ اٹھائیں تاکہ ہماری فلمیں بھی دنیا کی مارکٰیٹ میں جگہ بناسکیں۔ ان کا کہنا تھا کہ ہم سب کی خواہش تھی کہ فلم انڈسٹری کی رونقیں بحال ہوں اور نوجوانوں نے اپنی محنت اور لگن سے فلم انڈسٹری کی بحالی میں اہم کردارادا کرتے ہوئے ہم سب کی خواہش کو پورا کردیا جس پر ہمیں ان پر فخر ہے۔
ایمز ٹی وی(فارن ڈیسک)ستمبر کے اوائل میں بکر خاندان کے 23 افراد انسانی سمگلروں کی پرہجوم کشتی میں بیٹھ کر یورپ کے سفر پر روانہ ہوئے جن میں سے ایک ہی اپنے منزل مقصود کو پہنچا-بچنے والوں کا کہنا ہے کہ پناہ گزینوں نے ایک چھوٹی کشتی پر منتقل ہونے سے انکار کر دیا تھا جو ان کے خیال میں کھلے سمندر کے سفر کے لیے موزون نہیں تھی۔ سمگلروں نے ان کی کشتی ڈبو کر بحث کا خاتمہ کر ڈالا۔ بکر خاندان فلسطینی ہے۔ یہ حالیہ برسوں میں ان کے لیے دوسرا بڑا سانحہ ہے۔ حماس نے 2007 میں انھیں غزہ سے بےدخل کر دیا تھا۔بکر خاندان شمالی مصر کے علاقے دمیاط سے سفر پر روانہ ہوا تھا۔ یہ انسانی سمگلروں کا گڑھ ہے۔ کہا جاتا ہے کہ یہاں ساحل پر روانگی کے 20 مقامات ہیں-بڑے سمگلر زیرِ زمین رہتے ہیں اور صرف اپنے القاب سے جانے جاتے ہیں، مثلاً ابو حمادہ، جنھیں ڈاکٹر اور کپتان بھی کہا جاتا ہے، اور جنرل۔بین الاقوامی تنظیم برائے مہاجرین کے مطابق صرف اس سال بحیرۂ روم میں تین ہزار سے زیادہ لوگ ڈوب کر ہلاک ہو چکے ہیں۔ تاہم یورپی سرحدی ادارے فرونٹیکس کا کہنا ہے کہ اس سال 182156 افراد یورپ پہنچنے میں کامیاب ہوئے ہیں۔ یہ تعداد 2013 کے مقابلے میں تین گنا زیادہ ہے-
ایمز ٹی وی(فارن ڈیسک)فوربز میگزین نے ای کامرس کمپنی علی بابا کے بانی جیک ما کو چین کا امیر ترین شخص قرار دیا ہے -انٹرٹینمنٹ کمپنی کے چیف ایگزیکٹیو وینگ جیانلن پہلی پوزیشن سے چوتھی پوزیشن پر آ گئے ہیں۔جیک ما نے یہ کمپنی 15 سال پہلے شروع کی تھی۔ اب علی بابا کی کل قدر 240 ارب ڈالر بتائی جا رہی ہے۔چین کی 80 فیصد سے زیادہ آن لائن ای کامرس مارکیٹ کے شیئر کے ساتھ اسے اس صنعت میں سب سے بڑی کمپنی کہا جا رہا ہے۔ایک سال قبل ان کی ذاتی دولت کا تخمینہ 10.2 ارب ڈالر لگایا گیا تھا جو اب بڑھ کر 14.4 ارب ڈالر ہو گئی ہے۔
ایمز ٹی وی (کراچی)کمشنرکراچی شعیب صدیقی نے کمشنر آفس میں ایڈمنسٹریٹرکےایم سی رئوف اختر فاروقی، ڈائریکٹر جنرل پرونشل ڈیزاسٹر مینجمنٹ اتھارٹی سلمان شاہ، ایم ڈی واٹر بورڈ قطب الدین شیخ اور چیف میٹرولوجسٹ توصیف عالم کے ہمراہ پریس کانفرنس کی اور حکومت سندھ کی ہدایت پر طوفان کی صورتحال اوراقدامات سے میڈیا کو آگاہ کیا، بحیرہ عرب میں اٹھنے والے سمندری طوفان نیلوفر سےسندھ کے ساحلی علاقے ٹھٹھہ بدین سجاول ننگر پارکر مٹھی عمر کوٹ سب سے زیادہ متاثر ہونگے، ان علاقوں کے 3 لاکھ افراد کیمپوں میں منتقل کئےجائیں گے، کراچی میں بھی مبارک ولیج، ابراہیم حیدری، ضلع جنوبی، ملیر اور کورنگی کے ممکنہ طور پر متاثر ہونے والے علاقوں کو بھی خالی کرایا جارہا ہے۔ اس موقع پر ڈائریکٹر جنرل پرونشل ڈیزاسٹر مینجمنٹ اتھارٹی سندھ سلمان شاہ نے حکومت کی جانب سے کئے گئے اقدامات کے بارے میں آگاہی دیتے ہوئے کہا کہ ٹھٹھہ، سجاول، بدین کے 3 لاکھ لوگ متاثر ہونے کا امکان ہے انہیں فوری طور پر محفوظ مقامات یا کیمپوں میں منتقل ہونے کی ہدایت کر دی گئی ہے۔ کمشنر کراچی شعیب صدیقی نے کہا کہ مسلسل وارننگ کے بعد سمندر سے ماہی گیر بڑی تعداد میں ساحل پر آچکے ہیں، کے الیکٹرک ، محکمہ صحت، بلدیاتی اداروں سمیت تمام متعلقہ ڈپٹی کمشنرز اور عملے کو ایمرجنسی نافذ کرکے الرٹ کر دیاگیا ہے ۔ چیف میٹرولوجسٹ توصیف عالم نے بتایا کہ یہ طوفان 30 سے 31 اکتوبر کو سندھ سے ٹکرائے گا اور 31 اکتوبر کی رات یا یکم نومبر کو بھارتی گجرات اورسندھ کے ملحقہ علاقوں سے ٹکرائے گا ، کراچی سے یہ جمعرات کی دوپہر گزرے گا اس کی شدت 35 سے 40 ناٹیکل میل فی گھنٹہ ہوگی اور شہر میں 25 سے 30 ملی میٹر بارش کا امکان ہے ، انہوں نے کہا کہ تھر ریجن میں شدت زیادہ ہوگی ، ننگرپارکر، ڈیپلو، مٹھی، عمرکوٹ، اسلام کوٹ، ٹھٹھہ، بدین جاتی کافی متاثر ہونگے۔ یکم نومبر کی صبح یہ ختم ہو جائے گا۔
ایمز ٹی وی (فارن ڈیسک)فرانس کی وزیرِ ثقافت فلور پیلراں نےفرانس کے نوبیل انعام یافتہ مصنف پتریک مودیانو کے متعلق ایک پروگرام میں ایک انٹرویو کے دوران جب ان سے پوچھا گیا کےانھیں مصنف کی کون سے کتابیں پسند ہیں تو انھوں نے کہا کہ وہ اتنی مصروف تھیں کہ ان کے پاس کتابیں پڑھنے کا وقت نہیں تھا۔لیکن انھوں نے تسلیم کیا کہ وہ یہ نہیں کہہ سکتیں کہ مودیانو کی کون سی کتاب انھیں پسند ہے کیونکہ دو سال پہلے وزارت کا عہدہ سنبھالنے کے بعد ان کے پاس ان کی یا کسی اور مصنف کی کتاب پڑھنے کا وقت ہی نہیں تھا۔ان کے اس بیان پر سوشل میڈیا میں بحث چھڑ گئی ہے-سوشل میڈیا پر بہت سے لوگوں نے ان کے اعتراف کا دفاع کیا-دوسروں نے ان کے اعتراف کو شرمندگی سے تعبیر دیتے ہوئے کہا ہے کہ ان کی ایمانداری نے ان کے وزارت کے عہدے کے رتبے کو کم کر دیا ہے۔