ایمز ٹی وی (نیوز ڈیسک) اپوزیشن لیڈر نے چوہدری اعتزاز احسن اور رضا ربانی کی توسط سے سپریم کورٹ میں آئینی درخواست جمع کرائی جس میں موقف اختیار کیا کہ چیف الیکشن کمشنر کا عہدہ آئینی ہے جس کے لئے وزیراعظم سے مشاورت کرنی ہے جبکہ وزیراعظم چاہتے ہیں کہ مستقبل میں صاف اور شفاف انتخابات کے لئے ایسے شخص کا انتخاب کیا جائے جس پر تمام پارلیمانی جماعتیں متفق ہوں۔ درخواست میں مزید کہا گیا کہ وزیراعظم اور اپوزیشن لیڈر تقرری کے لئے ناموں پر غور کر رہے ہیں جبکہ تقرری کے عمل میں قانون سازی کے اقدامات پر عمل کرنے پر غور ہورہا ہے اور ضروری ہے کہ بامقصد مشاورت اور اتفاق رائے سے چیف الیکشن کمشنر کا تقرر کیا جائے۔
واضح رہے کہ چیف جسٹس ناصرالملک کی سربراہی میں کیس کی سماعت 30 اکتوبر کو ہوگی۔
ایمز ٹی وی (اسلام آباد) ڈی چوک میں جاری دھرنے سے خطاب میں پاکستان تحریک انصاف کےسربراہ عمران خان نے کہا ہے کہ جسٹس افتخار چوہدری اور جسٹس رمدے سمیت الیکشن کمیشن کے اعلی حکام بھی گزشتہ سال ہونے والےعام انتخابات میں شدید دھاندلی میں شامل تھے۔ کل ہم الیکشن کمیشن کے سامنے احتجاج بھی کرنے والے ہیں۔ انہوں نے کہا کہ اپنے لیڈر کو شفاف طریقے سے منتخب کرنا عوام کا حق ہے مگر اس وقت ملک میں جعلی انتخاب کے ذریعے منتخب ہونے والےایک جعلی حکومت بیٹھی ہےجو عوام کی جیبوں پر ڈاکہ مار رہی ہے، ان کا کہنا تھاکہ ’گو نواز گو‘ کا نعرہ پوری دنیا میں پھیل چکا ہے ، یہ نعرہ بہت ہی مفید ہے، ’گو نواز گو‘ کہنے سے نیند بھی بہت مزے کی آتی ہے اور اب تو اگر کسی کا بلڈ پریشر کم ہو تو وو فوری طور پر ’گو نواز گو‘ کہے۔انکا کہنا تھا کہ صرف ایک ہی مہینے میں ستراربروپے کی اوور بلنگ کی گئی اور ٹیلی ویژن فیس کے نام پر جمع ہونے والے دس ارب روپے کا کسی کو پتہ نہیں۔
ایمز ٹی وی (اسلام آباد) صدر مملکت نےلاہور ہائی کورٹ کے 6 ایڈیشنل ججز کی مدت ملازمت میں ایک سال کی توسیع کی منظوری دے دی ہے ۔ان ایڈیشنل ججزمیں جسٹس محمود احمد بھٹی، جسٹس ارشد محمود تبسم، جسٹس محمد طارق عباسی، جسٹس چودھری محمد مسعود جہانگیر، جسٹس صداقت علی خان اور جسٹس ایم سہیل اقبال بھٹی شامل ہیں۔
ایمز ٹی وی (اسلام آباد) صدرممنون حسین نے چیف جسٹس پاکستان جسٹس ناصر الملک کے بیرون ملک دورے کے دوران سپریم کورٹ کے سینئر ترین جج جسٹس جواد ایس خواجہ کو قائم مقام چیف جسٹس پاکستان مقررکرنے کی منظوری دی ہے۔ صدارتی ترجمان کے مطابق چیف جسٹس ناصر الملک وفد کے ہمراہ 31 اکتوبر سے 10 نومبر تک جنوبی کوریا کے سرکاری دورے پر جا رہے ہیں۔اس عرصے کے دوران سپریم کورٹ کے سینئر ترین جج جسٹس جواد ایس خواجہ قائم مقام چیف جسٹس پاکستان ہوں گے۔صدر مملکت ممنون حسین نے وزیر اعظم کی ایڈوائس پر اس تقرری کی منظوری دی ہے ۔
ایمز ٹی وی (کراچی) بحیرہ عرب کے وسطی مغربی علاقے میں بننے والا سمندری طوفان نیلوفر مزید شدت اختیار کر رہا ہے جبکہ پاکستان سے 1170 کلو میٹر دوری پر ہے۔ محکمہ موسمیات کا کہنا ہے کہ نیلوفر آئندہ 24 گھنٹے کے دوران آٹھ سو کلومیٹر فی گھنٹہ کی رفتار سے عمان کے ساحل کی جانب بڑھے گا جس کے بعد بھارت اور سندھ کے ساحلی علاقوں کا رخ کرے گا، اس دوران ساحلی مقامات پر بدھ سے شدید بارشوں کا امکان ہے جبکہ سمندری طوفان 31 اکتوبر کو بھارتی گجرات اور سندھ کے سرحدی علاقوں کے قریب اختتام پذیر ہو جائے گا۔دوسری جانب سمندری طوفان کے پیش نظر کراچی کے ساحل پر دفعہ 144 نافذ کرتے ہوئے سمندر میں نہانے پر پابندی عائد کر دی گئی ہے۔
ایمز ٹی وی (کراچی) گورنرسندھ ڈاکٹرعشرت العباد خان نے ایم کیو ایم کے دووزراء ڈاکٹر صغیراوررﺅف صدیقی کے استعفے منظور کرلئے ہے۔ پیپلزپارٹی سے علیحدگی کے بعد ایم کیو ایم کے وزرا کی جانب سے گورنر سندھ کو استعفے جمع کرائے گئے تھے جسے گورنر ڈاکٹرعشرتالعباد نے آج منظورکرتےہوئےوزیراعلی سندھ قائم علی شاہ کو ارسال کردیئے ہیں۔ ایم کیو ایم کے وزیر صحت ڈاکٹر صغیر احمد اور وزیر انڈسٹری رﺅف صدیقی نے گورنر سندھ کو استعفے جمع کرانے سے قبل ہی زیراستعمال سرکاری گاڑیاں واپس کردی تھیں جبکہ گورنر سندھ کی جانب سے استعفے منظور ہونے کے بعد ایم کیو ایم باقاعدہ طور پر سندھ حکومت سے الگ ہوگئی۔
ایمز ٹی وی (فارن ڈیسک) لندن میں ایک 12 سالہ بچی اپنی تین فٹ چار انچ لمبی سنہری زلفوں کے باعث لوگوں کی توجہ کا مرکز بن گئی ہے ، یہ بچی اپنی سنہری زلفوں کے باعث شہرہ آفاق کارٹون فلم Tangled کے مر کزی افسانوی کر دار Rapunzel کی حقیقی تصویر ہے جس نے لمبے با لوں کی خاطر پچھلے 11 سالوں سے اپنے با لوں کو قینچی سے دور ہی رکھا ہے اور اس عرصے کے دوران صرف تین بار اپنے بال کاٹے ہیں۔ ۔اس بچی کا قد اس کے بالوں کی لمبائی کے تقریبابر ابر ہے جنھیں سنوارنے اور دھونے کیلئے اسے دن بھر محنت کرنی پڑتی ہے۔
ایمز ٹی وی (خیبرایجنسی)خیبرایجنسی کے علاقے اکاخیل میں دہشتگردوں نے گورنمنٹ پرائمری اسکول میں دھماکا خیز مواد نصب کر کے اسے تباہ کردیا۔ مقامی پولیٹیکل انتظامیہ کے مطابق اسکول بند ہونے کے باعث خوش قسمتی سے کوئی جانی نقصان نہیں ہوا جبکہ اسکول مکمل طور پر تباہ ہوگیا۔
ایمز ٹی وی (فارن ڈیسک) لند ن میں ایک ڈیزائنر نے ایسی اسٹائلش پلکیں تخلیق کی ہیں جنہیں مکمل طور پر کا غذ سے تیا ر کیا گیا ہے۔ ان کا غذی پلکوں کو مختلف تقریبات میں خواتین اپنی اصلی پلکوں کے ساتھ منسلک کر کے اپنے حسن میں اضا فہ کر سکتی ہیں۔ یہ مصنو عی پلکیں رنگ بر نگے کا غذ وں کو مختلف انداز میں کا ٹ کر نہا یت خوبصورتی سے تیار کی گئی ہیں۔
ایمز ٹی وی (کراچی)ایس ایس پی کراچی ملیر راؤ انوار کے مطابق نیشل ہائی وے پر محمد میاں خان گوٹھ میں دہشتگردوں کی موجودگی کی اطلاع پر آپریشن کیا گیا، کارروائی میں 200 سے زائد اہلکاروں نے حصہ لیا۔ پولیس کو دیکھ کر دہشتگردوں نے فائرنگ اور دستی بموں سے حملہ کردیا، پولیس کی جوابی کارروائی میں 9 دہشت گرد ہلاک ہوگئے جبکہ 2 کو گرفتار کرکے نامعلوم مقام پر منتقل کردیا گیا ہے۔
راؤ انوار کا کہنا ہے کہ دہشتگردوں کے قبضے سے گزشتہ دنوں قائد آباد میں پولیس اہلکاروں سے چھینا گیا سرکاری اسلحہ اور بارودی مواد سے بھرا ایک رکشا برآمد ہوا ہے، جس سے اندازہ ہوتا ہے کہ دہشت گردوں نے محرم الحرام کے موقع پر دہشتگردی کا منصوبہ بنا رکھا تھا،