ایمزٹی وی (ٹیکنالوجی) فرانس نے ممکنہ بارش سے باخبرہونے کے لئے ایک آلہ تیار کرلیا۔ماہرین نے اس کا نام "اومبریلا" رکھا ہے۔ ماہرین کے مطابق اس میں کئی سینسر لگے ہیں جو روشنی ، ہوا میں نمی اور درجہ حرارت نوٹ کرکے آپ کے اسمارٹ فون کو فراہم کرتے ہیں جو اسے چھوٹا موبائل موسمیاتی اسٹیشن بناتے ہیں۔ چھتری میں موجود جی پی ایس ٹریکر چھتری بھول جانے کی صورت میں اپنے مالک کے اسمارٹ فون پر اطلاع دیتا ہے۔اومبریلا کی یہی خاصیت اسے ’’اسمارٹ اور کنیکٹڈ ‘‘ بناتی ہے۔ ابتدائی آزمائش می لوگوں نے اسے تھوڑا وزنی قرار دیا جس کے بعد اس کے ہلکے ورژن پر کام جاری ہے اور مارچ کے آغاز میں اسے فرانس کی دکانوں پر فروخت کیا جائے گا جب کہ آن لائن فروخت اسی سال کے آخر تک متوقع ہے۔ چھتری کی قیمت 60 سے 80 ڈالر یعنی 6 سے 8 ہزار پاکستانی روپے کے بقدر ہے۔