ایمز ٹی وی (برسلز) یورپ میں اسلام کے پھیلاؤ کے خوف سے یورپ کے 14 ممالک میں 6 فروری کو اسلام مخالف مظاہروں کا اعلان کر دیا گیا۔

یورپ میں تیزی سے پھیلتے ہوئے اسلام کے خوف سے انتہا پسند تنظیموں نے جمہوریہ چیک، ایسٹونیا، فن لینڈ، جرمنی، پولینڈ، سلوواکیا اور سوئٹزرلینڈ سمیت یورپ کے 14 ممالک میں ریلیاں نکالی جائیں گی۔ مظاہروں کا انعقاد غیر ملکیوں کی یورپ آمد کے مخالف جرمن گروپ پیجیڈا نے کیا۔ یہ تنظیم اپنا تعارف ان یورپی شہریوں کے طور پر کراتی ہے کہ جو مغرب کی اسلامائزیشن کے خلاف ہیں، پیجیڈا کے تاتیانہ فیسٹرلنگ نے یہ اعلان اپنی ہم خیال تنظیموں سے ایک اجلاس کے بعد یورپ بھر میں ان اسلام مخالف مظاہروں کا اعلان کیا۔

اس کا کہنا تھا کہ یورپ کی اسلامائزیشن کے خلاف جنگ ہمارا مشترکہ ہدف ہے، جمہوریہ چیک کے دارالحکومت پراگ کے قریب ہونیوالے اجلاس کا انعقاد چیک گروپ ’’اسلام مخالف بلاک‘‘ کی جانب سے کیا گیا تھا جس کے رہنما مارٹن کونوسکا نے یورپ کی مہاجرین سے متعلق پالیسی کواحمقانہ اور خودکشی قرار دیا گیا۔