ایمزٹی وی(بلوچستان)کوئٹہ سمیت بلوچستان بھر کے وکلاء سانحہ 12 مئی پر یوم سیاہ منا رہے ہیں۔ وکلا نے عدالتوں کا مکمل بائیکاٹ کیا اور بازوئوں پر سیاہ پٹیاں بھی باندھیں۔ تفصیلات کے مطابق وکلاء کی جانب سے بلوچستان ہائیکورٹ، سیشن کورٹ کچہری سمیت صوبے بھر میں عدالتوں کا مکمل بائیکاٹ کیا گیا، اس دوران کوئی وکیل عدالتی کاروائی کا حصہ نہیں بنا۔ ہاتھوں پر سیاہ پٹیاں باندھیں اور بار رومز پر سیاۃ پرچم لہرائے گئے۔ وکلاء کا کہنا ہے کہ سانحہ 12 مئی عدلیہ کی تاریخ کا سیاہ باب ہے جسے بھلانا نامکمن ہے۔
وکلاء کا سانحہ بارہ مئی کے خلاف عدالتی بائیکاٹ سائلین کے لئے پریشانی کا باعث بنا۔ عدالتوں میں زیرالتواٰ مقدمات کی سماعت نہ ہونے کے باعث دوردراز علاوں سے آئے لوگوں کو مشکلات کا سامنا کرنا پڑا