ایمزٹی وی(اسلام آباد) وزیر اعظم نواز شریف کی زیر صدارت اسلام آباد میں وفاقی کابینہ کا اجلاس ہوا۔ اجلاس میں 15 نکاتی ایجنڈا زیر غور آیا، اجلاس میں ان تمام فیصلوں کی توثیق اور منظوری دے دی گئی جنہیں وزیر اعظم نےکابینہ کو بائی پاس کرکے منظور کیا تھا۔
کابینہ کے اجلاس میں پیٹرولیم مصنوعات پر ٹیکس کاتعین، اہم قومی اداروں کی ری اسٹرکچرنگ، کئی اداروں کی نج کاری، 5 روپے کے سکے کے ڈیزائن کی تبدیلی، 10 روپے کے نوٹ کے بجائے اس مالیت کے سکے کا اجرا اور دیگر اہم فیصلوں کی بھی توثیق کی گئی۔
واضح رہے کہ سپریم کورٹ نے چند روز قبل وزیراعظم کے کابینہ کو بائی پاس کرکے اہم فیصلوں کی منظوری کے اختیار کو کالعدم قرار دے دیا تھا۔