(اسلام آباد) رواں ماہ ملائیشیا میں ہونیوالے گلوبل ٹرانسفرمیشن فورم میں دفترخارجہ نے وزیراعظم نوازشریف کو شرکت نہ کرنے کی تجویزدےدی. دفترخارجہ کے خط میں کہا گیا کہ 3 روزہ گلوبل ٹرانسفرمیشن فورم 21 اکتوبرکواقوام متحدہ کے ترقیاتی پروگرام کے تعاون سے ملائیشیاکے دارالحکومت کوالالمپور میں ہورہاہے جس میں مختلف ممالک کے مندوبین ایک دوسرے کے تجربات، چیلنجز اورترقی کے اہداف کے حصول کیلئے لائحہ عمل پرتبادلہ خیال کرینگے۔ملائیشیا کے وزیر اعظم نے وزیراعظم نوازشریف کواس فورم میں شرکت کی دعوت دی ہے تاہم دفترخارجہ وزیر اعظم کواس فورم میں شرکت نہ کرنے کی سفارش کی ہے اوراپنی جگہ وفاقی وزیر منصوبہ بندی احسن اقبال کوبھیجنے کی تجویزدی ہے۔